بے رنگ ہوچکا ہے غزل سے وفا کا رنگ
اپنی بہار پر ہے نبی کی ثنا کا رنگ
be rang ho chuka hai ghazal se wafa ka rang
apni bahar par hai nabi ki sana ka rang
ہرگز نہ رنگ لائے گا اپنی دعا کا رنگ
شامل نہیں جو نامِ رسولِ خدا کا رنگ
hargiz na rang layega apni dua ka rang
shamil nahi jo naam-e-rasool-e-Khuda ka rang
بے رنگ کر نہ پائے گی دنیا اسے کبھی
چھاجائے جس پہ عشقِ رسولِ خدا کا رنگ
be rang kar na paye gi duniya ise kabhi
chha jaye jis pe ishq-e-Rasool-e-Khuda ka rang
اعمال بھی ہمارے کسی کام کے نہیں
جھلکے اگر نہ عشقِ شہِ انبیاء کا رنگ
aamaal bhi humare kisi kaam ke nahi
jhalkay agar na ishq-e-shah-e-anbiya ka rang
چاہے کلام جیسا بھی کہہ لیجئے شفیقؔ
پایا نہ جائے گا مگر احمد رضا کا رنگ
chahe kalaam jaisa bhi keh lijiye Shafiq
paya na jaye ga magar Ahmed Raza ka rang
Share This Naat
Share with friends and family
بے رنگ ہوچکا ہے غزل سے وفا کا رنگ
شفیق ؔ رائے پوری