لب کُھلے جب نبیؐ کی مدحت میں
پھول کِھلنے لگے طبیعت میں
Lab khulay jab Nabiؐ ki madahat mein
Phool khilnay lagay tabiyat mein
پائی ہر تلخی الم سے نجات
کھو کر تذکارِ شہؐ کی لذّت میں
Pai har talkhi alam se najat
Kho kar tazkaar-e Shahؐ ki lazzat mein
کیا طلب اَور اب کروں حق سے
نعتِ خیرؐالورایٰ ہے قسمت میں
Kya talab aur ab karun Haq se
Naat-e Khairؐulwara hai qismat mein
نور منشور اُس نے بخشا ہے
سیرتِ مصطفیٰؐ کی صورت میں
Noor manshoor us ne bakhsha hai
Seerat-e Mustafaؐ ki soorat mein
دین و دنیا کا امتزاجِ حسیں
نظر آیا اُنھی کی سیرت میں
Deen o duniya ka imtizaj-e haseen
Nazar aaya unhi ki seerat mein
ارتقا آشنا ہوئیں قومیں
آپؐ کی جانفزا قیادت میں
Irtiqa aashna huein qoumein
Aapؐ ki jaanfaza qiadat mein
مستنیر آپؐ کی حیات سے ہے
شان جو بھی ہے آدمیّت میں
Mustaneer aapؐ ki hayat se hai
Shaan jo bhi hai aadmiyyat mein
حُسن اور سادگی کے سب جوہر
ہوئے یکجا رسُولِ رحمت میں
Husn aur saadgi ke sab johar
Huwe yakja Rasool-e Rehmat mein
پہلی ساری نبّوتوں کے کمال
جمع ہیں آخری رسالت میں
Pehli sari nabuwaton ke kamal
Jama hain aakhri risalat mein
دو جہاں کی سعادتیں پہناں
شہِؐ ابرار کی اطاعت میں
Do jahan ki sa'adatein pehnan
Shahؐ e Abrar ki itaat mein
ایک سے ہیں تو نگر و نادار
محسنِ خَلق کی عدالت میں
Ek se hain to nagar o nadar
Mohsin-e Khalq ki adalat mein
کس محبّت کا درد شامل ہے
ان کے پیرایہ ہدایت میں
Kis mohabbat ka dard shamil hai
Un ke peraaya hidayat mein
چارہ سازی اُنھی کو زیبا تھی
د ل نوازی تھی اُن کی فطرت میں
Chara sazi unhi ko zeeba thi
Dil nawazi thi un ki fitrat mein
کون ثانی مرے حضورؐ کا ہے
خُلق میں ، صدق میں ، امانت میں
Kon sani mere Huzoorؐ ka hai
Khulq mein, sidq mein, amanat mein
کون ہمسر شہِؐ انام کا ہے
عدل و احساں میں ، خیرو برکت میں
Kon hamsar Shahؐ e Inam ka hai
Adal o ehsaan mein, khair o barkat mein
آسماں کی نظر نے کب دیکھا
عابد اُن سا زمیں کی وسعت میں
Aasmaan ki nazar ne kab dekha
Abid un sa zameen ki wusat mein
آپؐ کی یاد نے سکوں بخشا
میں گھِرا جب کسی مصیبت میں
Aapؐ ki yaad ne sukoon bakhsha
Main ghira jab kisi museebat mein
آپؐ کا چہرہ ماہتاب بنا
میری ہر ایک شامِ عُسرت میں
Aapؐ ka chehra mahtab bana
Meri har ek shaam-e usrat mein
وہی پُرسانِ عاصیاں ہوں گے
پرسشِ عرصہ قیامت میں
Wohi pursan-e aasyan hongay
Pursish-e arsah qiyamat mein
فقرا اُن کے ہم قدم ہوں گے
جب وہ جائیں گے باغِ جنّت میں
Fuqara un ke hum qadam hongay
Jab wo jayein ge bagh-e jannat mein
جو خزف اُن کی راہ گزار کا ہے
وہ گہر سے فزوں ہے قیمت میں
Jo khazaf un ki rah guzr ka hai
Wo guhurr se fazoon hai qeemat mein
قریہ رنگ اُن کا شھرِ حسیں
جلوہ گر ہے جو اشکِ حسرت میں
Qariya rang un ka shahr-e haseen
Jalwa gar hai jo ashk-e hasrat mein
پھیلے دنیا میں جو دھنک بن کر
سمٹ آئے جو دل کی خلوت میں
Phailay duniya mein jo dhanak ban kar
Simat aaye jo dil ki khalwat mein
رکھ امید ِ قبول اے تائبؔ
پیش کر عجز اُن کی خدمت میں
Rakh umeed-e qubool aye Taibؔ
Paish kar ajz un ki khidmat mein
Share This Naat
Share with friends and family
لب کُھلے جب نبیؐ کی مدحت میں
حفیظ تائب