یہ کہتی ہیں فضائیں زندگی دو چار دن کی ہے
مدینہ دیکھ آئیں زندگی دو چار دن کی ہے
Yeh kehti hain fizaaen zindagi do chaar din ki hai
Madina dekh aayein zindagi do chaar din ki hai
سنہری جالیوں کو چوم کر کچھ عرض کرنا ہے
مچلتی ہیں دُعائیں زندگی دو چار دن کی ہے
Sunehri jaalion ko choom kar kuch arz karna hai
Machalti hain duaaen zindagi do chaar din ki hai
غمِ انساں کی اِک صورت عبادت خیز ہوتی ہے
کِسی کے کام آئیں زندگی دو چار دن کی ہے
Gham-e-insaan ki ik soorat ibaadat khiz hoti hai
Kisi ke kaam aayein zindagi do chaar din ki hai
وہ راہیں ثبت ہیں جن پر نشاں پائے محمدؐ کے
انہیں منزل بنائیں زندگی دو چار دن کی ہے
Woh rahein sabt hain jin par nishaan paa'e Muhammad (ﷺ) ke
Inhein manzil banaayein zindagi do chaar din ki hai
غمِ دنیا غمِ عقبیٰ یہ سب جھوٹے سہارے ہیں
کِسے اپنا بنائیں زندگی دو چار دن کی ہے
Gham-e-duniya gham-e-aqba yeh sab jhootay sahaare hain
Kise apna banaayein zindagi do chaar din ki hai
بیادِ کربلا ساغرؔ سدا برسیں ان آنکھوں سے
یہ رحمت کی گھٹائیں زندگی دو چار دن کی ہے
Be-yaad-e-Karbala Saaghar sada barsein in aankhon se
Yeh rehmat ki ghataayein zindagi do chaar din ki hai
Share This Naat
Share with friends and family
یہ کہتی ہیں قضائیں زندگی دو چار دن کی ہے
ساغر صدیقی