عمل سب سے بڑا طاعت حبیبِ ِکبریا کی ہے
ہے اِیماں نام جس کا وہ محبت مصطفیٰ کی ہے
Amal sab se bara ta'at Habib-e-Kibriya ki hai
Hai imaan naam jis ka woh mohabbat Mustafa ki hai
تمہارے دشمنوں پر تااَبد لعنت خدا کی ہے
جو عبد المصطفیٰ ہے اس پہ رحمت ِکبریا کی ہے
Tumhare dushmanon par taabad lanat Khuda ki hai
Jo Abdul Mustafa hai us pe rehmat Kibriya ki hai
ترے یاروں نے تجھ پر جان تک اپنی فدا کی ہے
اسی باعث سے شہرت چار یارِ با َصفا کی ہے
Tere yaron ne tujh par jaan tak apni fida ki hai
Isi bais se shohrat chaar yar-e-ba safa ki hai
کہیں ُ َّ مزمِّل و مُدَّثِّر و طٰہٰ کہیں یٰسِیْں
ترے مولیٰ نے قرآں میں تیری کیا کیا ثنا کی ہے
Kahin Muzammil o Muddassir o Taaha kahin Yaseen
Tere Moula ne Qur'an mein teri kya kya sana ki hai
زہے شانِ جلالت جب چلے معراج کو مولیٰ
تو اَقصیٰ میں رسولوں نے انہیں کی اِقتدا کی ہے
Zahe shan-e-jalalat jab chale Me’raj ko Moula
To Aqsa mein Rasoolon ne unhi ki iqtida ki hai
نہ پھیرا ہے کبھی خالی ُمرادیں دی ہیں منہ مانگی
تمہارے آستاں پر جس گدا نے اِلتجا کی ہے
Na phera hai kabhi khaali muraadein di hain mun maangi
Tumhare aastan par jis gada ne iltija ki hai
اسی دَم درجۂ مقبولیت حاصل ہوا اس کو
توَسُّل سے تمہارے جس کسی نے جو دُعا کی ہے
Isi dam darja-e-maqbooliyat hasil hua us ko
Tawassul se tumhare jis kisi ne jo dua ki hai
محبت اس کو کہتے ہیں کہ مولائے وِلایت نے
نمازِ عصر آرامِ محمد پر فدا کی ہے
Mohabbat is ko kehte hain ke Maula-e-Vilayat ne
Namaz-e-Asr aaram-e-Muhammad par fida ki hai
اُویس اَللّٰہُ اَکْبَر ہوگئے عاشق بلا دیکھے
ابوجَہْل آپ کا تابع نہ ہو قدرت خدا کی ہے
Uwais Allahu Akbar hogaye aashiq bila dekhe
Abu Jahl aap ka tab'eh na ho qudrat Khuda ki hai
سفینہ میرا چکراتا ہے گردابِ مَعاصی میں
اَغِثْنِیْ یَارَسُوْلَ اللہ گھٹا سر پر بلا کی ہے
Safina mera chakrata hai gardaab-e-ma’asi mein
Aghithni ya Rasool Allah ghata sar par bala ki hai
وہی حاکم وہی مالک خدا کے نائبِ مطلق
تو پھر کیوں فکر تم کو عاصیو روزِ جزا کی ہے
Wohi hakim wohi malik Khuda ke na’ib-e-mutlaq
To phir kyun fikar tum ko aasi yo roz-e-jaza ki hai
گنہگارو سیہ کارو خطاوارو نہ گھبراؤ
سواری آنے والی شافِعِ روزِ جزا کی ہے
Gunehgaaro siyahaaro khataawaaro na ghabraao
Sawari aane wali shaafi’ roz-e-jaza ki hai
جمیلؔ قادری نازاں نہ کیوں ہو اپنی قسمت پر
نوازِش اس پہ ہر دَم حضرتِ اَحمد رضا کی ہے
Jameel Qadri nazan na kyun ho apni qismat par
Nawazish is pe har dam Hazrat Ahmad Raza ki hai
Share This Naat
Share with friends and family
عمل سب سے بڑا طاعت حبیبِ ِکبریا کی ہے
جمیل الرحمن قادری