عرفانِ خدا ملنے کا امکان نہیں ہے
گر عشقِ نبیؐ کا تجھے عرفان نہیں ہے
Irfan-e-Khuda milne ka imkaan nahin hai
Gar ishq-e-Nabiﷺ ka tujhe irfan nahin hai
ایمن کے چمن زار ہوں یا باغِ ارم ہوں
بطحا سے حسیں کوئی گلستان نہیں ہے
Aiman ke chaman zar hoon ya bagh-e-Iram hoon
Bathha se haseen koi gulistan nahin hai
ہے زیرِ کفِ پائے نبیؐ اوجِ ثریا
ذیشان کوئی آپ سا ذیشان نہیں ہے
Hai zair-e-kaf-e-paye Nabiﷺ aoj-e-Surayya
Zaishan koi aap sa zaishan nahin hai
مانا کہ بہت خوب ہے آرائشِ جنت
دہلیزِ نبی جیسی مگر شان نہیں ہے
Maana ke bohat khoob hai aaraish-e-jannat
Dehleez-e-Nabi jesi magar shan nahin hai
دیکھا جو درِ پاک تو دیوانہ یہ بولا
ایوانِ نبیؐ سا کوئی ایوان نہیں ہے
Dekha jo dar-e-pak to deewana yeh bola
Aiwan-e-Nabiﷺ sa koi aiwan nahin hai
دہقانِ عرب بن گئے سرتاجِ سلاطیں
یہ کیا ہے پیمبر کا جو فیضان نہیں ہے
Dehqan-e-Arab ban gaye sartaj-e-salateen
Yeh kya hai paimbar ka jo faizaan nahin hai
وہ عرش کے قدسی ہوں اجنہ ہوں بشر ہوں
کس قوم پہ سرکار کا احسان نہیں ہے
Woh arsh ke Qudsi hoon ajinna hoon bashar hoon
Kis qoum pe Sarkar ka ehsaan nahin hai
محتاط بہت ہو کے قدم رکھیے گا احسؔن
یہ رہ گزرِ نعت ہے آسان نہیں ہے
Mohtaat bohot ho ke qadam rakhiye ga Ahsan
Yeh rah guzare naat hai aasan nahin hai
Share This Naat
Share with friends and family
عرفانِ خدا ملنے کا امکان نہیں ہے
احسن اعظمی