مجھ کو دیدارِ درِ پاکِ رسالت کا شرف
یا خدا بخش دے طیبہ کی زیارت کا شرف
Mujh ko deedaar-e-dar-e-pak-e-risalat ka sharaf
Ya Khuda bakhsh de Taybah ki ziarat ka sharaf
حُبِ سرکار میں تا عمر جیوں، مرجاؤں
اس سے بڑھ کر نہیں معراجِ محبت کا شرف
Hubb-e-Sarkaar mein taa umr jeeyoon, marjaoon
Is se barh kar nahi meraaj-e-mohabbat ka sharaf
اس کی نظروں میں ہے طیبہ کی زمیں رشکِ جناں
ہے میسر جسے طیبہ سے عقیدت کا شرف
Is ki nazron mein hai Taybah ki zameen rashk-e-jann
Hai mayassar jise Taybah se aqidat ka sharaf
وہ رہِ حق سے بھٹک ہی نہیں سکتا ہرگز
رب نے بخشا جسے آقاؐ کی محبت کا شرف
Wo rah-e-haq se bhatak hi nahi sakta hargiz
Rab ne bakhsha jise Aqaؐ ki mohabbat ka sharaf
جو تھے بھٹکے ہوئے تبلیغِ رسالت کے طفیل
رب نے بخشا انھیں عالم کی سیادت کا شرف
Jo the bhatkay huwe tableegh-e-risalat ke tufeel
Rab ne bakhsha inhein aalam ki siyadat ka sharaf
ہے وہی صاحبِ ایماں کہ جسے حاصل ہے
حُبِ سرکار کا اللہ کی طاعت کا شرف
Hai wahi sahib-e-imaan ke jise hasil hai
Hubb-e-Sarkaar ka Allah ki ta'at ka sharaf
عظمت و شانِ ابوبکر نمایاں کر دی
ان کو آقاؐ نے عطا کر کے امامت کا شرف
Azmat o shaan-e-Abu Bakar numayyan kar di
Un ko Aqaؐ ne ata kar ke imaamat ka sharaf
اللہ اللہ ابو بکر و عمر کی عظمت
اب بھی حاصل ہے انھیں قربِ رسالت کا شرف
Allah Allah Abu Bakar o Umar ki azmat
Ab bhi hasil hai inhein qurb-e-risalat ka sharaf
کتنے خوش بخت ہیں واللہ وہ اصحابِ نبیؐ
جیتے جی جن کو ملا مژدۂ جنت کا شرف
Kitne khush bakht hain wallah wo ashaab-e-Nabiؐ
Jeete jee jin ko mila mujda-e-jannat ka sharaf
آرزو اتنی ہے احسؔن کی فقط مل جائے
حشر میں شافعِ محشر کی شفاعت کا شرف
Aarzoo itni hai Ahsan ki faqat mil jaaye
Hashr mein shafi-e-mahshar ki shafaat ka sharaf
Share This Naat
Share with friends and family
مجھ کو دیدارِ درِ پاکِ رسالت کا شرف
احسن اعظمی