زمیں پر عظمتِ ارض و سما بن کر نہیں آیا
کوئی جانِ جہاں جانِ وفا بن کر نہیں آیا
Zameen par azmat-e-arz o sama ban kar nahi aaya
Koi jaan-e-jahan jaan-e-wafa ban kar nahi aaya
امام آتے رہے یوں تو امامت کے لیے لیکن
کوئی پہلے امام الانیباء بن کر نہیں آیا
Imam aate rahe yun to imamat ke liye lekin
Koi pehle imam al-anbiya ban kar nahi aaya
یہاں آنے کو آئے ہیں خدا کے لاڈلے کتنے
مگر کوئی محمد مصطفیٰ بن کر نہیں آیا
Yahan aane ko aaye hain Khuda ke laadle kitne
Magar koi Muhammad Mustafa ban kar nahi aaya
محبت بانٹنے والے کئی آئے یہاں لیکن
کوئی دنیا میں رحمت کی گھٹا بن کر نہیں آیا
Mohabbat baantne wale kayi aaye yahan lekin
Koi duniya mein rehmat ki ghata ban kar nahi aaya
ہزاروں پارسا آئے ہزاروں رہنما آئے
مگر کوئی پیمبر کی دعا بن کر نہیں آیا
Hazaron parsaa aaye hazaron rehnuma aaye
Magar koi paighambar ki dua ban kar nahi aaya
فرشتے پھول برساتے چلے آتے ہیں قرنوں سے
مگر ان کا کوئی یوں دلربا بن کر نہیں آیا
Farishtay phool barsate chale aate hain qarnon se
Magar unka koi yun dilruba ban kar nahi aaya
مرے آقا سے پہلے اور مرے آقا کے بعد انجؔم
کوئی خوشبو کوئی بادِ صبا بن کر نہیں آیا
Mere aaqa se pehle aur mere aaqa ke baad Anjum
Koi khushboo koi baad-e-saba ban kar nahi aaya
Share This Naat
Share with friends and family
زمیں پر عظمتِ ارض و سما بن کر نہیں آیا
انجم نیازی