پتھر کی پتھر ہی رہتی تیری اگر نہ ہوتی
جب سے میں نے تجھے چھُوا مجھے لگ گئے ہیرے موتی
Pathar ki pathar hi rahti teri agar na hoti
Jab se main ne tujhe chhua mujhe lag gaye heere moti
کانوں میں آہٹیں تھیں دیواروں پر تیرے سائے
ہجر کی کھٹیا پر میں کیسے لمبی تان کے سوتی
Kaanon mein aahatein thein deewaron par tere saaye
Hijr ki khatiya par main kaise lambi taan ke soti
سانسیں شعلے بن کر نکلیں آنکھیں لَو دیتی ہیں
رُوئیں رُوئیں میں جاگ رہی ہے تیرے عشق کی جوتی
Saansen sholay ban kar niklein aankhen lo deti hain
Rooein rooein mein jaag rahi hai tere ishq ki joti
تیری خوشنودی و رضا کے اتنے پھول نہ کھلتے
دل کی بنجر زمیں پہ آہیں آنسو اگر نہ بوتی
Teri khushnudi o raza ke itne phool na khilte
Dil ki banjar zameen pe aahen aansoo agar na boti
ساحل کی آوازیں اگر نہ آتیں گہرائی سے
جان بوجھ کر کیوں تیرے دریا میں ناؤ ڈبوتی
Saahil ki aawaazein agar na aatein gehraai se
Jaan boojh kar kyun tere darya mein nao duboti
تیری رحمت اٹھا نہ لیتی ڈھیروں پاپ جو میرے
جیون گٹھڑی کا میں کیسے بوجھ کمر پر ڈھوتی
Teri rehmat utha na leti dheeron paap jo mere
Jeevan gathri ka main kaise bojh kamar par dhoti
مجھ پیاسی کا پیا مظفر اگر خیال نہ رکھتے
ریت پہ بیٹھ کے پھر کیسے لہروں کے ہار پروتی
Mujh pyasi ka piya Muzaffar agar khayal na rakhte
Rait pe baith ke phir kaise lehron ke haar peroti
Share This Naat
Share with friends and family
پتھر کی پتھر ہی رہتی تیری اگر نہ ہوتی
مظفر وارثی