تیری آمد ہوئی نُور و نور سی
ہوگئی ظلمت جہانوں دُور سی
Teri aamad hui noor o noor si
Ho gayi zulmat jahanon door si
مشکلاں دے بھار سر توں لہہ گئے
بے کس و لاچار اُٹھ کے بہہ گئے
Mushklaan de bhhaar sir toon leh gaye
Be kas o lachar uth ke beh gaye
آسرا ملیا نمانے تِڑپئے
ٹہنیاں تے پھل سجرے کھِڑ پئے
Aasra miliya nimane tirapye
Tehniaa'n te phal sojre khirr paye
پُج گیاں آساں محروماں دیا
رب نے سنیاں ہاواں مظلوماں دیاں
Puj gayaa'n aasaan mehroomaa'n diya
Rab ne suniyaa'n haawaan mazloomaa'n diaa'n
وچھڑے ہوئے دل ملائے نے تُساں
بھلیاں نوں رستے وکھائے نے تساں
Vichhray huay dil milaye ne tusaa'n
Bhaliyaan noo'n rastay vikhaye ne tusaan
انبیاء تکدے نے راہواں تیریاں
رب نوں ویکھن نگاہواں تیریاں
Anbiyaa takde ne raahaan teriaan
Rab noo'n vekhan nigahaa'n teriaan
رہندیاں امت تے چھانواں تیریاں
اللہ من دا اے رضاواں تیریاں
Rehendiaa'n umat te chaanvaa'n teriaan
Allah man da ae razawaan teriaan
دکھاں دے مکن دا حیلہ بن گیا
عاصیاں دا اک وسیلہ بن گیا
Dukhan de mukan da heela ban gaya
Aasiaa'n da ik waseela ban gaya
بھیڑے دنیا تو نرالے ہوگئے
کرماں مارے بختاں والے ہوگئے
Bhiray duniya to niraale ho gaye
Karmaan maare bakhtaa'n wale ho gaye
جھوٹھے آئے حق دے متوالے بنے
چور چوری چھڈ کے رکھوالے بنے
Jhuthe aaye haq de matwaale bane
Chor chori chhad ke rakhwaale bane
دُور دنیا توں ہنیرا ہوگیا
آگیا سوہنا سویرا ہوگیا
Door duniya toon hanera ho gaya
Aagaya sohna sawera ho gaya
اوہ ظہوریؔ مونس و لجپال اے
سب دا دردی آمنہ دا لال اے
Oh Zahoori Maunis o lajpaal ae
Sab da dardi Aamna da laal ae
Share This Naat
Share with friends and family
تیری آمد ہوئی نُور و نور سی
محمد علی ظہوری