تو شمعِ رسالت ہے عالم تیرا پروانہ
تو ماہِ نبوت ہے اے جلوۂ جانانہ
Tu shama-e-risalat hai alam tera parwana
Tu mah-e-nabuwwat hai ae jalwa-e-janana
جو ساقیٔ کوثر کے چہرے سے نقاب اُٹھے
ہر دل بنے مے خانہ ہر آنکھ ہو پیمانہ
Jo saqi-e-kausar ke chehre se naqāb uṭhe
Har dil bne maikhana har aankh ho paimana
دل اپنا چمک اُٹھے ایمان کی طلعت سے
کر آنکھیں بھی نورانی اے جلوۂ جانانہ
Dil apna chamak uṭhe imaan ki tal'at se
Kar aankhein bhi noorani ae jalwa-e-janana
سرشار مجھے کردے اِک جامِ لبالب سے
تا حشر رہے ساقی آباد یہ مے خانہ
Sarshar mujhe karde ik jam-e-labalab se
Ta Hashr rahe saqi aabaad yeh maikhana
تم آئے چھٹی بازی رونق ہوئی پھر تازی
کعبہ ہوا پھر کعبہ کر ڈالا تھا بت خانہ
Tum aaye chhuti bazi ronaq hui phir taazi
Kaaba hua phir kaaba kar dala tha butkhana
مستِ مئے اُلفت ہے مَدہوشِ محبت ہے
فرزانہ ہے دیوانہ دیوانہ ہے فرزانہ
Mast-e-mai ulfat hai madhosh-e-mohabbat hai
Farzana hai deewana deewana hai farzana
میں شاہ نشیں ٹوٹے دل کو نہ کہوں کیسے
ہے ٹوٹا ہوا دل ہی مولیٰ ترا کاشانہ
Main shah nasheen toote dil ko na kahu kaise
Hai toota hua dil hi Maula tera kashana
کیوں زُلفِ مُعَنْبَر سے کوچے نہ مہک اُٹھیں
ہے پنجۂ قدرت جب زُلفوں کا تری شانہ
Kyun zulf-e-mu'ambar se kuche na mehak uṭhen
Hai panja-e-qudrat jab zulfon ka teri shana
اُس دَر کی حضوری ہی عصیاں کی دوا ٹھہری
ہے زہرِ مَعاصی کا طیبہ ہی شفاخانہ
Us dar ki huzoori hi 'isyaan ki dawa thehri
Hai zehr-e-ma'asi ka tayyiba hi shafakhana
ہر پھول میں بو تیری ہر شمع میں ضو تیری
بلبل ہے ترا بلبل پروانہ ہے پروانہ
Har phool mein boo teri har shama mein zou teri
Bulbul hai tera bulbul parwana hai parwana
پیتے ہیں تیرے دَر کا کھاتے ہیں تیرے دَر کا
پانی ہے ترا پانی دانہ ہے ترا دانہ
Peete hain tere dar ka khate hain tere dar ka
Pani hai tera pani dana hai tera dana
ہر آرزو بر آئے سب حسرتیں پوری ہوں
وہ کان ذرا دَھر کر سن لیں مرا افسانہ
Har aarzoo bar aaye sab hasratein puri hon
Wo kan Zara dhar kar sun lein mera afsana
سنگِ دَرِ جاناں پر کرتا ہوں َجبیں سائی
سجدہ نہ سمجھ نجدی سر دیتا ہوں نذرانہ
Sang-e-dar-e-janan par karta hoon jabeen saai
Sajda na samajh najdi sar deta hoon nazrana
گر پڑ کے یہاں پہنچا مر مر کے اسے پایا
چھوٹے نہ الٰہی اب سنگِ دَرِ جانانہ
Gir par ke yahan pahuncha mar mar ke ise paaya
Chhoote na Ilahi ab sang-e-dar-e-janana
سنگ دَرِ جاناں ہے ٹھوکر نہ لگے اس کو
لے ہوش پکڑ اب تو اے لغزشِ مستانہ
Sang-e-dar-e-janan hai thokar na lage is ko
Le hosh pakad ab tu ae laghzish-e-mastana
وہ کہتے نہ کہتے کچھ وہ کرتے نہ کرتے کچھ
اے کاش وہ سن لیتے مجھ سے مرا افسانہ
Wo kehte na kehte kuch wo karte na karte kuch
Ae kaash wo sun lete mujh se mera afsana
اے مفلسو نادارو جنت کے خریدارو
کچھ لائے ہو بیعانہ کیا دیتے ہو بیعانہ
Ae mufliso nadaro jannat ke kharidaro
Kuch laaye ho be'aana kya dete ho be'aana
کچھ نیک عمل بھی ہیں یا یونہی اَمل ہی ہے
دنیا کی بھی ہر شے کا تم لیتے ہو بیعانہ
Kuch naik amal bhi hain ya yunhi amal hi hai
Dunya ki bhi har shai ka tum lete ho be'aana
کچھ اس سے نہیں مطلب ہے دوست کہ دشمن ہے
ان کو تو کرم کرنا اپنا ہو کہ بیگانہ
Kuch is se nahin matlab hai dost keh dushman hai
Un ko to karam karna apna ho keh beigana
حب صنم دنیا سے پاک کر اپنا دل
اللہ کے گھر کو بھی ظالم کیا بت خانہ
Hubb sanam duniya se paak kar apna dil
Allah ke ghar ko bhi zalim kya butkhana
تھے پاؤں میں بے خود کے چھالے تو چلا سر سے
ہشیار ہے دیوانہ ہشیار ہے دیوانہ
The paon mein bekhud ke chale to chala sar se
Hoshiyar hai deewana hoshiyaar hai deewana
آنکھوں میں مری تو آ اور دل میں مرے بس جا
دل شاد مجھے فرما اے جلوۂ جانانہ
Aankhon mein meri tu aa aur dil mein mere bas ja
Dil shaad mujhe farma ae jalwa-e-janana
آباد اسے فرما وِیراں ہے دل نوریؔ
جلوے تیرے بس جائیں آباد ہو ویرانہ
Aabaad ise farma veeraan hai dil Noori
Jalwe tere bas jaayen aabaad ho veerana
سرکار کے جلووں سے روشن ہے دلِ نوریؔ
تا حشر رہے روشن نوریؔ کا یہ کاشانہ
Sarkar ke jalwon se roshan hai dil-e-Noori
Ta hashra rahe roshan Noori ka yeh kashana
Share This Naat
Share with friends and family
تو شمعِ رسالت ہے عالم تیرا پروانہ
مفتی مصطفٰی رضا خان