میں تو خود ان کے در کا گدا ہوں ‘ اپنے آقا کو میں نذر کیا دوں
اب تو آنکھوں میں بھی کچھ نہیں ہے ورنہ قدموں میں آنکھیں بچھادوں
Main to khud un ke dar ka gada hoon, apne aaqa ko main nazr kya doon
Ab to aankhon mein bhi kuch nahi hai, warna qadmon mein aankhen bichha doon
آنے والی ہے اُن کی سواری ‘ پھول نعتوں کے گھر گھر سجادوں
میرے گھر میں اندھیرا بہت ہے ‘ اپنی پلکوں پہ شمعیں جلادوں
Aane wali hai un ki sawari, phool naaton ke ghar ghar sajadoon
Mere ghar mein andhera bohot hai, apni palkon pe shamain jala doon
میری جھولی میں کچھ بھی نہیں ہے ‘ میرا سرمایہ تو یہی ہے
اپنی آنکھوں کی چاندی بہادوں ‘ اپنے ماتھے کا سونا لٹادوں
Meri jholi mein kuch bhi nahi hai, mera sarmaya to yahi hai
Apni aankhon ki chaandi baha doon, apne mathe ka sona luta doon
بے نگاہی پہ میری نہ جائیں ‘ دیدہ ور میرے نزدیک آئیں
میں یہیں سے مدینہ دکھادوں ‘ دیکھنے کا سلیقہ سکھا دوں
Be nigaahi pe meri na jayen, deedah war mere nazdeek aayen
Main yahin se madina dikha doon, dekhne ka saleeqa sikha doon
روضہء پاک پیش ِ نظر ہے ‘ سامنے میرے آقاﷺ کا در ہے
مجھ کو کیا کچھ نظر آرہا ہے ‘ تم کو لفظوں میں کیسے بتا دوں
Roza-e-paak paish nazar hai, samne mere aaqa ﷺ ka dar hai
Mujh ko kya kuch nazar aa raha hai, tum ko alfazon mein kaise bata doon
میرے آنسو بہت قیمتی ہیں ‘ ان سے وابستہ ہیں ان کی یادیں
ان کی منزل ہے خاکِ مدینہ ‘ یہ گہر یو نہی کیسے لٹا دوں
Mere aansu bohot qeemti hain, in se wabasta hain in ki yaadein
In ki manzil hai khaak-e-madina, yeh gaher you nahi kaise luta doon
میں فقط آپﷺ کو جانتا ہوں اور اسی در کو پہچانتا ہوں
اس اندھیرے میں کس کو پکاروں ‘ آپﷺ فرمائیں کس کو صدا دوں
Main fakat aap ﷺ ko jaanta hoon aur isi dar ko pehchaanta hoon
Is andhere mein kis ko pukaroon, aap ﷺ farmaen kis ko sada doon
مجھ کو اقبؔال نسبت ہے ان ﷺ سے ‘ جن کا ہر لفظ جانِ سخن ہے
میں جہاں نعت اپنی سنادوں ‘ ساری محفل کی محفل جگا دوں
Mujh ko Iqbal nisbat hai un ﷺ se, jin ka har lafz jaan-e-sukhan hai
Main jahan naat apni suna doon, sari mehfil ki mehfil jaga doon
Share This Naat
Share with friends and family
میں تو خود ان کے در کا گدا ہوں
پروفیسراقبال عظیم