کونین کی ہر شے میں وہی جلوہ نما ہے
جتنی بھی ہو توصیفِ خدا، حق ہے ، بجا ہے
Konain ki har shai me wohi jalwa numa hai
Jitni bhi ho toseef-e-Khuda, haq hai, baja hai
یہ ابر ، یہ کُہسار ، یہ صحرا ، یہ گلستاں
جو کچھ بھی ہے سب اُس کا کرم اس کی عطا ہے
Yeh abr, yeh kohsaar, yeh sehra, yeh gulistan
Jo kuch bhi hai sab us ka karam us ki ata hai
ہر گل کے تبسم میں عیاں حُسن ہے اُس کا
بُلبل کے ترنم میں نہاں اس کی صدا ہے
Har gul ke tabassum me ayan husn hai us ka
Bulbul ke tarannum me nihan us ki sada hai
ہر منزلِ دُشوار کو کرتا ہے وہ آساں
وہ قادر مطلق ہے وہی عقدہ کُشا ہے
Har manzil-e-dushwar ko karta hai woh aasan
Woh Qadir-e-Mutlaq hai wohi uqda kusha hai
وہ حسبِ طلب سب کو عطا کرتا ہے روزی
مومن ہے کہ کافر ہے ، بُرا ہے کہ بھلا ہے
Woh hasb-e-talab sab ko ata karta hai rozi
Momin hai keh kafir hai, bura hai keh bhala hai
تحصیل زر و مال نہ شہرت نہ مراتب
اقباؔل کا مقصود فقط اُس کی رضا ہے
Tahseel zar o maal na shorat na maratib
Iqbal ka maqsood faqat us ki raza hai
Share This Naat
Share with friends and family
کونین کی ہر شے میں وہی جلوہ نما ہے
پروفیسراقبال عظیم