کوئی حسین شاہ کے جواب میں، نہیں نہیں
جبینِ شہ سا نور ماہتاب میں، نہیں نہیں
Koi haseen shah ke jawab mein, nahi nahi
Jabeen-e-shah sa noor mahtab mein, nahi nahi
غلامیٔ رسول باعثِ سکونِ قلب ہے
غلامِ مصطفیٰ ہو اضطراب میں، نہیں نہیں
Ghulami-e-Rasool ba'ais-e-sukoon-e-qalb hai
Ghulam-e-Mustafa ho iztirab mein, nahi nahi
اسی نصاب میں ہیں دو جہاں کی کامرانیاں
سوائے نعت کچھ مرے نصاب میں، نہیں نہیں
Isi nisab mein hain do jahan ki kamraniyan
Siwaye naat kuch mere nisab mein, nahi nahi
وہ اور ہوں گے جن کا آگ سے پڑے گا واسطہ
تمہارا امتی رہے عذاب میں، نہیں نہیں
Wo aur hon ge jin ka aag se paray ga waasta
Tumhara ummati rahay azab mein, nahi nahi
شبِ عروج اہتمام سے بلا کے عرش پر
حبیب سے خدا رہے حجاب میں، نہیں نہیں
Shab-e-urooj ehtemaam se bula ke arsh par
Habeeb se Khuda rahay hijab mein, nahi nahi
کلامِ ربِ مصطفیٰ میں جو نعوت ہیں رقم
نعوت ایسی ہیں کسی کتاب میں، نہیں نہیں
Kalam-e-Rab-e-Mustafa mein jo na'ut hain raqam
Na'ut aisi hain kisi kitab mein, nahi nahi
لبِ حبیب کو عطا کیا ہے جو کریم نے
وہ رنگ و نور ہے کسی گلاب میں، نہیں نہیں
Lab-e-Habeeb ko ata kiya hai jo Karim ne
Wo rang-o-noor hai kisi gulaab mein, nahi nahi
Share This Naat
Share with friends and family
کوئی حسین شاہ کے جواب میں، نہیں نہیں
اشفاق احمد غوری