حاصل ہے مجھ کو نعت کا اعزاز یا نبیؐ
گرچہ نہیں میں سعدیء شیراز یانبیؐ
Haasil hai mujh ko naat ka aizaaz ya nabiؐ
Garchay nahin main saadi-e-shiraz ya nabiؐ
’’سدرہ‘‘ ہے انتہائے سفر جبرائیلؑ کا
’’سدرہ‘‘ ہے تیرا نقطہء آغاز یا نبیؐ
"Sidrah" hai intiha-e-safar Jibraeelؑ ka
"Sidrah" hai tera nuqta-e-aaghaz ya nabiؐ
حاضر ہوا تھا میں بھی ’’مواجہ شریف‘‘ پر
اس بات پر رہے گا سدا ناز یانبیؐ
Hazir hua tha main bhi "Muwajah Shareef" par
Is baat par rahay ga sada naaz ya nabiؐ
تم کو عطا کی ایسی سماعت سمیع نے
سنتے ہو دُور و پاس کی آواز یانبیؐ
Tum ko ata ki aisi samaat Samii ne
Suntay ho door o paas ki aawaaz ya nabiؐ
تسلیم انبیاؑء و رُسلؑ سب کے سب مگر
سب سے جدا ہے آپؐ کا انداز یانبیؐ
Tasleem anbiyaؑ wa rusulؑ sab ke sab magar
Sab se juda hai aapؐ ka andaaz ya nabiؐ
دُنیا کی کوئی فکر نہ محشر کا کوئی خوف
میرے ہیں آپؐ ہمدم و دمساز یا نبیؐ
Duniya ki koi fikr na mahshar ka koi khauf
Mere hain aapؐ humdum o dumsaaz ya nabiؐ
تحت الثریٰ میں سوئے تھے اشفاقؔ علم و فن
تجھؐ سے ملی ہے فکر کو پرواز یانبیؐ
Taht-ul-thara mein soye thay Ashfaq ilm o fun
Tujhؐ se mili hai fikar ko parwaaz ya nabiؐ
Share This Naat
Share with friends and family
حاصل ہے مجھ کو نعت کا اعزاز یا نبیؐ
اشفاق احمد غوری