تیرے دَر پہ ساجد ہیں شاہانِ عالم
تو سلطانِ عالم ہے اے جانِ عالم
Tere dar pe sajid hain shahan-e-alam
Tu sultan-e-alam hai ae jan-e-alam
یہ پیاری ادائیں یہ نیچی نگاہیں
فدا جانِ عالم ہو اے جانِ عالم
Ye pyari adaein ye neechi nigahein
Fida jan-e-alam ho ae jan-e-alam
کسی اَور کو بھی یہ دولت ملی ہے
گدا کس کے دَر کے ہیں شاہانِ عالم
Kisi aur ko bhi ye daulat mili hai
Gada kis ke dar ke hain shahan-e-alam
میں دَر دَر پھروں چھوڑ کر کیوں ترا دَر
اُٹھائے بلا میری احسانِ عالم
Main dar dar phirun chhod kar kyun tera dar
Uthae bala meri ihsan-e-alam
میں سرکارِ عالی کے قربان جاؤں
بھکاری ہیں اس دَر کے شاہانِ عالم
Main sarkar-e-aali ke qurban jaaun
Bhikari hain is dar ke shahan-e-alam
مِرے دَبدبہ والے میں تیرے صدقے
ترے دَر کے کتے ہیں شیرانِ عالم
Mere dabdaba wale main tere sadqe
Tere dar ke kutte hain sheeran-e-alam
تمہاری طرف ہاتھ پھیلے ہیں سب کے
تمہیں پورے کرتے ہو اَرمانِ عالم
Tumhari taraf hath phelae hain sab ke
Tumhe poore karte ho arman-e-alam
مجھے زندہ کر دے مجھے زندہ کر دے
مِرے جانِ عالم مِرے جانِ عالم
Mujhe zinda kar de mujhe zinda kar de
Mere jan-e-alam mere jan-e-alam
مسلماں مسلماں ہیں تیرے سبب سے
مری جان تو ہی ہے ایمانِ عالم
Musalmaan musalmaan hain tere sabab se
Meri jaan tu hi hai imaan-e-alam
مِرے آن والے مِرے شان والے
گدائی تِرے دَر کی ہے شانِ عالم
Mere aan wale mere shan wale
Gadai tere dar ki hai shan-e-alam
تو بحر حقیقت تو دریائے عرفاں
ترا ایک قطرہ ہے عرفانِ عالم
Tu bahr haqeeqat tu darya-e-urfan
Tera aik qatra hai irfan-e-alam
کوئی جلوہ میرے بھی روزِ سیہ پر
خدا کے قمر مہر تابانِ عالم
Koi jalwa mere bhi roz-e-siyah par
Khuda ke qamar mehr taban-e-alam
بس اب کچھ عنایت ہوا اب ملا کچھ
انہیں تکتے رہنا فقیرانِ عالم
Bas ab kuch inayat hua ab mila kuch
Unhein takte rehna faqeeran-e-alam
وہ دولھا ہیں ساری خدائی براتی
اُنہیں کے لئے ہے یہ سامانِ عالم
Wo dulha hain sari khudai baraati
Unhin ke liye hai ye samaan-e-alam
نہ دیکھا کوئی پھول تجھ سا نہ دیکھا
بہت چھان ڈالے گلستانِ عالم
Na dekha koi phool tujh sa na dekha
Bohot chaan daale gulistan-e-alam
تِرے کوچہ کی خاک ٹھہری اَزَل سے
مری جاں علاجِ مریضانِ عالم
Tere koocha ki khaak thehri azal se
Meri jaan ilaaj-e-marizan-e-alam
کوئی جانِ عیسیٰ کو جا کر خبر دے
مرے جاتے ہیں دَرد مندانِ عالم
Koi jan-e-Isa ko ja kar khabar de
Mere jaate hain dard mandan-e-alam
ابھی سارے بیمار ہوتے ہیں اچھے
اگر لب ہلا دے وہ دَرمانِ عالم
Abhi saare bemaar hote hain achche
Agar lab hila de wo darman-e-alam
سَمِیْعًا خدارا حسنؔ کی بھی سن لے
بلا میں ہے یہ لوثِ دامانِ عالم
Sami'an khudara Hasan ki bhi sun le
Bala mein hai ye lows-e-daman-e-alam
Share This Naat
Share with friends and family
تیرے دَر پہ ساجد ہیں شاہانِ عالم
حسن رضا خان