دیارِ نور میں جناں کا باغ رکھ دیا گیا
یہیں صراطِ خلد کا سراغ رکھ دیا گیا
Diyar-e-noor mein jann ka bagh rakh diya gaya
Yahin sirat-e-khald ka suragh rakh diya gaya
لٹا رہا ہے مدحتِ امامِ انبیاء کی ضو
مرے قلم میں ضوفشاں چراغ رکھ دیا گیا
Luta raha hai mad'hat-e-imam-e-anbiya ki zou
Mere qalam mein zoufashan chiragh rakh diya gaya
سمجھ لیا نہ جانے اس کو عکسِ عارضِ نبی
اسی لئے رخِ قمر میں داغ رکھ دیا گیا
Samajh liya na jane is ko aqs-e-aariz-e-nabi
Isi liye rukh-e-qamar mein dagh rakh diya gaya
شرابِ عشقِ مصطفیٰ کی بوند کا سوال تھا
نظر سے ہو گئی بہم، ایاغ رکھ دیا گیا
Sharab-e-ishq-e-Mustafa ki boond ka sawal tha
Nazar se ho gayi baham, iyaagh rakh diya gaya
گمان کیا گیا جمالِ بے پناہ کی طرف
ختن کا مشک در دل و دماغ رکھ دیا گیا
Guman kiya gaya jamal-e-be panah ki taraf
Khatan ka mushk dar dil o dimagh rakh diya gaya
بروزِ مرگ ہو گیا ہے اہتمام وصل کا
لحد میں طولِ ہجر سے فراغ رکھ دیا گیا
Baroz-e-marg ho gaya hai ehtamaam wasl ka
Lahad mein toul-e-hijr se faragh rakh diya gaya
Share This Naat
Share with friends and family
دیارِ نور میں جناں کا باغ رکھ دیا گیا
اشفاق احمد غوری