محبوب کے قدموں میں اِک سیلِ رواں دیکھا
ہاتھوں میں لئے کاسہ ہر پیر و جواں دیکھا
Mahboob ke qadmoñ mein ik sail-e-rawañ dekha
Haathoñ mein liye kasa har peer o jawañ dekha
وہ شہر مدینہ کے پُر نُور گلی کوچے
ہم نے تو جدھر دیکھا رحمت کو عیاں دیکھا
Wo shehar Madina ke pur noor gali kooche
Hum ne to jidhar dekha rehmat ko ayaañ dekha
جذبات مدینے میں رہتے ہیں کہاں قابو
خود رفتہ نظر آیا جس کو بھی جہاں دیکھا
Jazbat Madine mein rahte hain kahañ qaboo
Khud rafta nazar aaya jis ko bhi jahañ dekha
سرکارؐ! غلاموں کو خیرات عطا کردیں
مایوس نہیں لوٹا آیا جو یہاں دیکھا
Sarkar (ﷺ)! ghulamoñ ko khairat ata kardeñ
Mayoos nahi louTa aaya jo yahañ dekha
اس عاجز و بے کس کو پھر اذنِ حضوری ہو
جو لطف یہاں پایا دنیا میں کہاں دیکھا
Is aajiz o be-kas ko phir izn-e-hazoori ho
Jo lutf yahañ paaya duniya mein kahañ dekha
عشاق چلے جس دم سرکارؐ کے روضے سے
آنکھوں میں جھڑی دیکھی ‘ دل گریہ کناں دیکھا
Ashaaq chale jis dam Sarkar (ﷺ) ke rouze se
Aankhoñ mein jhadi dekhi, dil giriya-knaañ dekha
اک حشر ہوا برپا ‘ اِک ہُوک اُٹھی دل میں
جب گنبدِ خضرا کو نظروں سے نہاں دیکھا
Ik hashar hua barpa, ik hook uthi dil mein
Jab gunbad-e-Khazra ko nazaroñ se nahañ dekha
Share This Naat
Share with friends and family
محبوب کے قدموں میں اِک
حافظ عبدالجلیل