صفتاں پاک رسول دیاں نیں ٹھنڈ پائی وچ سینے
صفتاں پاک رسول دیاں مینوں لے گیاں شہر مدینے
Siftan paak Rasool diyaan ne thand paai wich seene
Siftan paak Rasool diyaan menoo le gayaan shehar Madeene
ساری دنیا صدقہ کھاوے پاک نبی دے در دا
صفتاں پاک رسول دیاں خود اللہ وی پیا کر دا
Saari dunya sadqa khaave paak Nabi de dar da
Siftan paak Rasool diyaan khud Allah vi piya kar da
پاک نبی جس دن ویہڑے عبداللہ دے آیا
صفتاں پاک رسول دیاں نیں گھر گھر چانن لایا
Paak Nabi jis din vehre Abdullah de aaya
Siftan paak Rasool diyaan ne ghar ghar chanan laya
کرماں والیاں دامن پھڑ کے پار اگاں لنگھ گیاں
صفتاں پاک رسول دیاں جس جس دے کنیں پئیاں
Karmaan waaliyaan daaman phar ke paar agaan langh gayaan
Siftan paak Rasool diyaan jis jis de kaneen peeyaan
ایتھے اوتھے دوہیں جہانیں کیتی نیک کمائی
صفتاں پاک رسول دیاں دی جنہاں محفل لائی
Ithey othey dohain jahaanen keeti nek kamaai
Siftan paak Rasool diyaan di jinhan mehfil laai
کلے نیوں اسیں ظہوریؔ نعت نبی دے پڑھ دے
صفتاں پاک رسول دیاں پیاں ہندیاں لہندے چڑھدے
Kalle niyoon asin Zahoori naat Nabi de parh de
Siftan paak Rasool diyaan piyaan hundiyaan lehnde charhde
Share This Naat
Share with friends and family
صفتاں پاک رسول دیاں نیں ٹھنڈ پائی وچ سینے
محمد علی ظہوری