قُدرت نے آج اپنے جلوے دکھا دیئے ہیں
آمد پہ مصطفیٰؐ کی، پردے اُٹھا دیئے ہیں
Qudrat ne aaj apne jalwe dikha diye hain
Aamad pe Mustafa (SAWW) ki, parde utha diye hain
یہ کون آرہا ہے یہ آج کون آیا
سوئے ہوئے مقّدر کِس نے جگا دیئے ہیں
Yeh kaun aa raha hai yeh aaj kaun aaya
Soye hue maqaddar kis ne jaga diye hain
جب اُن کا نام لے کر مظلوم کوئی رویا
زنجیر توڑ دی ہے، قیدی چھُڑا دیئے ہیں
Jab un ka naam le kar mazloom koi roya
Zanjeer tod di hai, qaidi chhura diye hain
بے کس نواز اُن سا، پیدا ہُوا نہ ہوگا
بِچھڑے مِلا دیئے ہیں، اُجڑے بسا دیئے ہیں
Be-kas nawaaz un sa, peda huwa na hoga
Bichhde mila diye hain, ujrde basa diye hain
بحرِ کرم میں اُن کے اُٹھی جو موجِ رحمت
مرتے بچالئے ہیں، گرتے اُٹھا دیئے ہیں
Behr-e-karam mein un ke uthi jo mauj-e-rehmat
Marte bachha liye hain, girte utha diye hain
اللہ رہے ہوائیں اُس دامنِ کرم کی
بنجر زمیں تھی دل کی، گُلشن کھِلا دیئے ہیں
Allah rahe hawaein us daman-e-karam ki
Banjar zameen thi dil ki, gulshan khila diye hain
شاہوں کے در پہ جانا توہین تھی ہماری
اُن کی گلی میں ہم نے بستر لگا دیئے ہیں
Shahon ke dar pe jana tauheen thi humaari
Un ki gali mein hum ne bistar laga diye hain
صدقے مَیں آپ کی اُس حاجت روا نظر پر
جس نے گدا ہزاروں سُلطان بنا دیئے ہیں
Sadqe main aap ki us haajat rawa nazar par
Jis ne gada hazaron sultan bana diye hain
غازہ سمجھ کے مُنہ پر ملتے ہیں اہلِ نسبت
مٹّی نے اُن کے در کی ، مُکھڑے سَجا دیئے ہیں
Ghaaza samajh ke munh par malte hain ahl-e-nisbat
Mitti ne un ke dar ki, mukhre saja diye hain
سینے میں ہُوں سجائے یادوں کی ایک محفل
اُن کی لگن نے دل میں میلے لگا دیئے ہیں
Seene mein hoon sajae yaadon ki ek mehfil
Un ki lagan ne dil mein mele laga diye hain
بڑھتی ہی جارہی ہیں تابانیاں حرم کی
بُجھتے نہیں کسی سے طیبہ کے کیا ’’دیئے ‘‘ ہیں
Barhti hi ja rahi hain taabaniyaan haram ki
Bujhte nahin kisi se Taiba ke kya "diye" hain
وہ جانیں اے نصیرؔ اب یا جانے اُن کا خالق
ہم نے تو دل کے دُکھڑے اُن کو سُنا دیئے ہیں
Woh janen aye Naseer ab ya jaane un ka Khaaliq
Hum ne to dil ke dukhre un ko suna diye hain
Share This Naat
Share with friends and family
قُدرت نے آج اپنے جلوے دکھا دیئے ہیں
سید نصیرالدیں نصیر