گلزارِ مدینہ صلِّ علیٰ، رحمت کی گھٹا سبحان اللہ
پُر نور فضا ماشاء اللہ، پُر کیف ہَوا سبحان اللہ
Gulzar-e-Madina sall-e la, rehmat ki ghata subhan Allah
Pur noor fiza masha Allah, pur kaif hawa subhan Allah
اُس زلفِ معنبر کو چھُو کر مہکاتی ہوئی، اِتراتی ہوئی
لائی ہے پیام ِتازہ کوئی، آئی ہے صبا سبحان اللہ
Us zulf-e moanbar ko chhoo kar mehkati hui, itraati hui
Laai hai payaam-e-taaza koi, aai hai saba subhan Allah
والشّمس جمالِ ہوش رُبا زلفیں وَالَّیلِ اِذَا یَغْشٰی
القابِ سیادت قراں میں یٰسیں، طٰہٰ، سبحان اللہ
Wal-shams jamal-e-hosh ruba zulfen wal-lail-e-iza yaghsha
Alqaab-e-siadat Quran mein Yaseen, Taha, subhan Allah
معراج کی شب حضرتؐ کا سفر افلاک کی رونق سَرتا سَر
مہتاب کی صورت روشن ہے نقشِ کفِ پا سبحان اللہ
Mairaj ki shab Hazrat ka safar aflaak ki raunaq sarta sar
Mehtaab ki soorat roshan hai naqsh-e-kaf-e-pa subhan Allah
جب بہرِ شفاعت محشر میں سرکارؐ کا شُہرہ عام ہُوا
اک لہر خوشی کی دوڑ گئی، اُمّت نے کہا سبحان اللہ
Jab behr-e-shafaat mahshar mein Sarkar ka shuhra aam hua
Ek lahar khushi ki dour gayi, ummat ne kaha subhan Allah
ہونٹوں پہ تبّسم کی موجیں، ہاتھوں میں لیے جامِ رحمت
کوثر کے کنارے وہ اُن کا اندازِ عطا سبحان اللہ
Honthon pe tabassum ki mojen, haathon mein liye jam-e-rehmat
Kausar ke kinare woh unka andaaz-e-ata subhan Allah
آنکھیں روشن، پُر نور نظر، دل نعرہ زناں، جاں رقص کُناں
تاثیرِ دُعا سبحان اللہ پھر اُنؐ کی دُعا، سبحان اللہ
Aankhen roshan, pur noor nazar, dil narah zan, jaan raqs kunan
Taseer-e-dua subhan Allah, phir unki dua, subhan Allah
بُوبکرؓ کا حُسنِ صدقِ بیاں، عدلِ عمرؓ آئینِ قرآں
عثمانِ غنیؓ میں رنگِ حیا، حیدرؓ کی سخا سبحان اللہ
Boobakr ka husn-e-sidq-e-bayan, adl-e-Umar aaeen-e-Quran
Usman-e-Ghani mein rang-e-haya, Haidar ki sakha subhan Allah
کہنے کو تو نعتیں سب نے کہیں، یہ نعت نصیرؔ آفاقی ہے
’’کِتھے مہرِؒ علی کِتّھے تیری ثنا‘‘ کیا خُوب کہا، سبحان اللہ
Kehne ko to nateen sab ne kahin, yeh naat Naseer aafaqi hai
"Kithe Meher-e-Ali kithe teri sana" kya khoob kaha, subhan Allah
Share This Naat
Share with friends and family
گلزارِ مدینہ صلِّ علیٰ، رحمت کی گھٹا سبحان اللہ
سید نصیرالدیں نصیر