دِل کے ورق ورق پہ ترا نام لکھ دیا
عرشِ بریں پہ لکھا ہوا نام لکھ دیا
Dil ke waraqa warqa pe tera naam likh diya
Arsh-e-brin pe likha hua naam likh diya
دُنیا نے جب سوال کیا تو جواب میں
سب سے عظیم سب سے بڑا نام لکھ دیا
Duniya ne jab sawaal kiya to jawab mein
Sab se azeem sab se bara naam likh diya
تھکتے نہیں فرشتے جسے چُوم چُوم کر
دل پوچھتا ہے میں نے یہ کیا نام لکھ دیا
Thakte nahi farishte jise choom choom kar
Dil poochta hai mein ne ye kya naam likh diya
جنت سے بھی زیادہ معطّر ہے جس کی باس
ہونٹوں پہ کس کا مثلِ دعا نام لکھ دیا
Jannat se bhi zyada mu'attar hai jis ki baas
Honton pe kis ka misl-e-dua naam likh diya
اتنی سکت کہاں تھی کہ لکھتا سبھی صفات
گھبرا کے میں نے جانِ وفا نام لکھ دیا
Itni sakat kaha thi ke likhta sabhi sifat
Ghabra ke mein ne jaan-e-wafa naam likh diya
سب سے زیادہ میرے خدا کو جو ہے عزیز
میں نے وہی بہ اذنِ خدا نام لکھ دیا
Sab se zyada mere Khuda ko jo hai azeez
Mein ne wahi ba-izn-e-Khuda naam likh diya
تیری نگاۂ ناز کی تعریف کیا کروں
تجھ پیکرِ حیا کا حیا نام لکھ دیا
Teri nigah-e-naaz ki tareef kya karun
Tujh paikar-e-haya ka haya naam likh diya
ممکن نہیں کہ تیری عطائیں کروں شمار
تیرے وجود ہی کا عطا نام لکھ دیا
Mumkin nahi ke teri ataaein karun shumaar
Tere wujood hi ka ataa naam likh diya
جنت کے ایک ایک چمکتے ستون پر
میرے خدا نے کتنا بھلا نام لکھ دیا
Jannat ke ek ek chamakte satoon par
Mere Khuda ne kitna bhala naam likh diya
دونوں جہاں سے اُس کی فضیلت ہی بڑھ گئی
جس غار کی جبیں پہ حِرا نام لکھ دیا
Dono jahan se us ki fazilat hi barh gayi
Jis ghaar ki jabin pe Hira naam likh diya
عیسیٰؑ کہا کسی کو،کسی کو کہا خلیل
تیری جبیں پہ صلِّ علیٰ نام لکھ دیا
Isa aaha kaha kisi ko, kisi ko kaha khalil
Teri jabin pe sall-e-ala naam likh diya
Share This Naat
Share with friends and family
دِل کے ورق ورق پہ ترا نام لکھ دیا
انجم نیازی