میں ! کہ بے وقعت و بے مایہ ہوں
تیر ی محفل میں چلا آیا ہوں
Main! keh bey waqaat o bey maayah hoon
Teri mehfil mein chala aaya hoon
آج ہوں میں ترا دہلیز نشیں
آج میں عرش کا ہم پایہ ہوں
Aaj hoon mein tera dehleez nasheen
Aaj mein arsh ka hum paayah hoon
کائناتوں پہ مَیں تیرے دم سے
آسمانوں کی طرح چھایا ہوں
Kainaaton pe main tere dum se
Aasmanon ki tarah chhaaya hoon
چند پَل یوں تری قربت میں کٹے
جیسے اِک عمر گزار آیا ہوں
Chand pal yun teri qurbat mein katay
Jesay ik umr guzaar aaya hoon
جب بھی میں اَرض ِ مدینہ پہ چلا
دل ہی دل میں بہت اِترایا ہوں
Jab bhi main arz-e-Madina pe chala
Dil hi dil mein bohot itraya hoon
تیرا پیکر ہے کہ اِک ہالہء نور
جالیوں سے تجھے دیکھ آیا ہوں
Tera paikar hai ke ik haala-e-noor
Jaliyon se tujhe dekh aaya hoon
کتنی پیاری ہے ترے شہر کی دھوپ
خود کو اکسیر بنا لایا ہوں
Kitni pyari hai tere shehar ki dhoop
Khud ko akseer bana laaya hoon
یہ کہیں خامئ اِیماں ہی نہ ہو
میں مدینے سے پلٹ آیا ہوں
Yeh kahin khaama-e-imaan hi na ho
Main Madine se palat aaya hoon
Share This Naat
Share with friends and family
میں ! کہ بے وقعت و بے مایہ ہوں
احمد ندیم قاسمی