صدفِ نُورِ الہٰی کا گُہر کیا ہوگا
صرف خالق جو نہیں تھا وہ بشر کیا ہوگا
Sadaf-e-noor-e-ilahi ka guhar kya hoga
Sirf khalq jo nahi tha woh bashar kya hoga
اُس کی کِرنوں سے ہر اِک آنکھ لپٹتی ہوگی
مطلعِ جسم کا اندازِ سحَر کیا ہوگا
Us ki kirnon se har ik aankh lipat ti hogi
Matla-e-jism ka andaaz-e-sehar kya hoga
منزلیں بانٹنے آیا تھا جو گمراہوں کو
اُس جہاں ساز کی ہجرت کا سفر کیا ہوگا
Manzilen bantne aaya tha jo gumraahon ko
Us jahaan saaz ki hijrat ka safar kya hoga
لیے پھرتا ہُو ں مُحمّؐد سا حسیں آنکھوں میں
ذرا سوچو تو مِرا حُسنِ نظر کیا ہوگا
Liye phirta hoon Muhammad (S.A.W) sa haseen aankhon mein
Zara socho to mera husn-e-nazar kya hoga
جسم اطہر کو چُھوئے خاکِ زمیں ، نا ممکن
عرشِ ثانی کے سوا زیرِ کمر کیا ہوگا
Jism-e-athar ko chhue khaak-e-zamin, na mumkin
Arsh-e-sani ke siwa zer-e-kamar kya hoga
آنے والوں پہ جو قسمت کی طرح کُھلتا ہو
حرمِ پاکِ مُحمّؐد کا وہ دَر کیا ہوگا
Aane walon pe jo qismat ki tarah khulta ho
Haram-e-pak-e-Muhammad (S.A.W) ka woh dar kya hoga
کون کر سکتا ہے دشمن کو معاف اس کی طرح
اور کوئی اس کی طرح سینہ سپر کیا ہوگا
Kaun kar sakta hai dushman ko maaf us ki tarah
Aur koi us ki tarah seenah-sapar kya hoga
نعت سے لوگ پر کھتے ہیں مظفؔر مُجھ کو
اس سے بڑھ کر مرا معیارِ ہُنر کیا ہوگا
Naat se log parakhtay hain Muzaffar mujh ko
Is se badh kar mera mayaar-e-hunar kya hoga
Share This Naat
Share with friends and family
صدفِ نُورِ الہٰی کا گُہر کیا ہوگا
مظفر وارثی