naat
یاد آتا ہے درِ جانِ جہاں پر بیٹھنا
یاد آتا ہے درِ جانِ جہاں پر بیٹھنا
اپنے پہلو میں دلِ مضطر دبا کر بیٹھنا
Yad aata hai dar-e-jaan-e-jahan par baithna
Apne pehlu mein dil-e-muztar daba kar baithna
بے عطائے مصطفٰی ممکن نہیں واللّٰہ نہیں
گنبدِ خضرٰی کے جلووں کے برابر بیٹھنا
Be ataye Mustafa mumkin nahin wallah nahin
Gumbad-e-khazra ke jalwon ke barabar baithna
یہ نشستِ پُر کشش ہی ضامنِ فردوس ہے
ہاں! اٹھائیں گے تمہیں درباں بہت، پر بیٹھنا
Yeh nashist-e-pur kashish hi zaamin-e-firdaus hai
Haan! Uthayenge tumhein darbaan bohot, par baithna
آ گیا ہے میرے لب پہ یا رسول اللّٰہ مدد
اب مِرے غم! گول کر کے اپنا بستر بیٹھنا
Aa gaya hai mere lab pe ya Rasool Allah madad
Ab mire gham! Gol kar ke apna bistar baithna
بس ظہورِ حُسنِ محبوبِ خدا ہونے کو ہے
اے مِرے دل! ضبط کر، پہلو کے اندر بیٹھ نا!
Bas zahoor-e-husn-e-mehboob-e-Khuda hone ko hai
Ae mire dil! Zabt kar, pehlu ke andar baith na!
یہ بھی اِک کیفیّتِ پر لطف سے کم تو نہیں
ہجرِ شہرِ مصطفٰی میں اٹھ کے شب بھر بیٹھنا
Yeh bhi ik kaifiyat-e-pur lutf se kam to nahin
Hijr-e-sheher-e-Mustafa mein uth ke shab bhar baithna
جستجوئے جلوہِ شانِ سخاوت ہے اگر
ان کے در پر لے کے نامِ ابنِ حیدر بیٹھنا
Justuju-e-jalwa-e-shaan-e-sakhawat hai agar
Unke dar par le ke naam-e-ibn-e-Hyder baithna
آپ آئیں یا نہ آئیں آپ کی مرضی حضور
منتظِر دل کو نہیں زیبا گِلہ کر بیٹھنا
Aap aayen ya na aayen aap ki marzi Huzoor
Muntazir dil ko nahin zeba gila kar baithna
رحمتِ کونین کی رحمت اُٹھی مثلِ صبا
دل کو تھامے عاصیانِ روزِ محشر! بیٹھنا
Rehmat-e-konain ki rehmat uthi misl-e-saba
Dil ko thame aasiyaan-e-roz-e-mahshar! baithna
ہے یہ آدابِ درِ شاہِ دو عالم کے خلاف
اُن کے منگتے کا تبسم جا کے در در بیٹھنا
Hai yeh aadaab-e-dar-e-shah-e-do aalam ke khilaf
Unke mangte ka tabassum ja ke dar dar baithna
Share This Naat
Share with friends and family
یاد آتا ہے درِ جانِ جہاں پر بیٹھنا
حافظ محمد ابوبکر تبسمؔ