آنکھیں رو رو کے سُجانے والے
جانے والے نہیں آنے والے
Aankhen ro ro ke sujane wale
Jane wale nahi aane wale
کوئی دن میں یہ سرا اوجڑ ہے
ارے او چھاؤنی چھانے والے
Koi din mein yeh sara ojr hai
Arey o chhaoni chhane wale
ذبح ہوتے ہیں وطن سے بچھڑے
دیس کیوں گاتے ہیں گانے والے
Zabha hote hain watan se bichhde
Des kyun gaate hain gaane wale
ارے بد فَال بُری ہوتی ہے
دیس کا جنگلا سُنانے والے
Arey bad faal buri hoti hai
Des ka jangla sunane wale
سُن لیں اَعدا میں بگڑنے کا نہیں
وہ سلامت ہیں بنانے والے
Sun lein aada mein bigadne ka nahi
Woh salamat hain banane wale
آنکھیں کچھ کہتی ہیں تجھ سے پیغام
او درِ یار کے جانے والے
Aankhen kuch kehti hain tujh se paighaam
O dar-e-yaar ke jane wale
پھر نہ کروٹ لی مدینہ کی طرف
ارے چل جُھوٹے بہانے والے
Phir na karwat li madina ki taraf
Arey chal jhoote bahane wale
نفس میں خاک ہوا تو نہ مِٹا
ہے مِری جان کے کھانے والے
Nafs mein khaak hua to na mita
Hai meri jaan ke khane wale
جیتے کیا دیکھ کے ہیں اے حورو!
طیبہ سے خُلد میں آنے والے
Jeete kya dekh ke hain ae hooro!
Tayba se khuld mein aane wale
نِیم جلوے میں دو عَالم گلزار
واہ وا رنگ جمانے والے
Neem jalwe mein do alam gulzar
Wah wah rang jmane wale
حُسن تیرا سا نہ دیکھا نہ سُنا
کہتے ہیں اگلے زمانے والے
Husn tera sa na dekha na suna
Kehte hain agle zamane wale
وہی دُھوم ان کی ہے ما شآء اللہ
مِٹ گئے آپ مِٹانے والے
Wohi dhoom un ki hai ma sha Allah
Mit gaye aap mitane wale
لبِ سیراب کا صَدقہ پانی
اے لگی دل کی بُجھانے والے
Lab-e-seirab ka sadqa paani
Ae lagi dil ki bujhane wale
ساتھ لے لو مجھے میں مجرم ہوں
راہ میں پڑتے ہیں تھانے والے
Saath le lo mujhe mein mujrim hoon
Raah mein parte hain thane wale
ہو گیا دَھک سے کلیجَا میرا
ہائے رُخصت کی سُنانے والے
Ho gaya dhak se kaleja mera
Haye rukhsat ki sunane wale
خلق تو کیا کہ ہیں خالق کو عزیز
کچھ عجب بھاتے ہیں بھانے والے
Khaliq to kya ke hain khalik ko aziz
Kuch ajab bhaate hain bhaane wale
کشتۂ دشت حرم جنّت کی
کھڑکیاں اپنے سِرہانے والے
Kushta-e-dasht-e-haram jannat ki
Khidkiyan apne sirhane wale
کیوں رضاؔ آج گلی سُونی ہے
اُٹھ مِرے دُھوم مچانے والے
Kyun Raza aaj gali sooni hai
Uth mere dhoom machane wale
Share This Naat
Share with friends and family
آنکھیں رو رو کے سُجانے والے
احمد رضا خان بریلوی