توں شملہ ہر پگ دا آقا
توں ایں داتا جگ دا آقا
Toon shimla har pag da aqa
Toon ain data jag da aqa
تیرا سارا فیض کرم ایں
الله ورگا لگ دا آقا
Tera sara faiz karam ain
Allah warga lag da aqa
کی میں اپنا حال سناواں
توں واقف رگ رگ دا آقا
Ki main apna hal sunawan
Toon waqif rag rag da aqa
میری کُل کمائی میتھوں
نفس ہے رہندا ٹھگ دا آقا
Meri kul kamai methon
Nafs hai rehnda thag da aqa
تیرے شہر دے وچ سمندر
رحمت دا اے وگدا آقا
Tere shehr de wich samundar
Rehmat da ai wagda aqa
جیہڑے دیوے نُوں توں بالیں
اوه رہندا اے جگدا آقا
Jihde dewe noon toon balain
O rehnda ai jagda aqa
صائم سگ ہے در تیرے دا
مان رکھیں اس سگ دا آقا
Saim sag hai dar tere da
Maan rakhein is sag da aqa
Share This Naat
Share with friends and family
توں شملہ ہر پگ دا آقا
علامہ صائم چشتی