نبی کے نام کی سارے جہاں میں برکت ہے
غموں کی دھوپ میں یہ نامِ پاک راحت ہے
Nabi ke naam ki sare jahan me barkat hai
Ghamon ki dhoop mein ye naam-e-paak rahat hai
یہ نامِ پاک نمازوں میں ہے اذانوں میں
یہی وہ نام ہے جو رونقِ عبادت ہے
Ye naam-e-paak namazon mein hai azaanon mein
Yahi woh naam hai jo ronq-e-ibadat hai
کلامِ پاک محبت سے تم اگر دیکھو
ہر ایک آیتِ قرآں میں ان کی مدحت ہے
Kalam-e-paak mohabbat se tum agar dekho
Har ek aayat-e-Quraan mein un ki madhat hai
مقام سِدرہ و عرشِ بریں کے ہیں عارف
وہ جانتے ہیں جو افلاک کی مُسافت ہے
Maqaam sidra o Arsh-e-bareen ke hain arif
Woh jaante hain jo aflak ki musafat hai
تمام اُن پہ نبوت خدا نے فرما دی
کہ ذاتِ شاہِ ھُدیٰ خاتِمِ رِسالت ہے
Tamaam un pe nabuwat Khuda ne farma di
Ke zat-e-Shah-e-Huda khatam-e-Risalat hai
خدا نے کعبۂ اقدس کو کردیا قِبلہ
یہی نبی کی رضا ہے یہی طبیعت ہے
Khuda ne Kaaba-e-aqdas ko kar diya Qibla
Yahi Nabi ki raza hai yahi tabiyat hai
میں اپنے درد کی تمہید کس لئے باندھوں
حضور جانتے ہیں جو بھی غرض و غایت ہے
Mein apne dard ki tamheed kis liye baandhun
Huzoor jaante hain jo bhi gharz o ghayat hai
گناہ گار ہُوں لیکن یہ آس ہے مجھ کو
عطا حضور کو مولا نے کی شفاعت ہے
Gunah gaar hoon lekin ye aas hai mujh ko
Ata Huzoor ko Maula ne ki shafaat hai
ستارے رُشد و ہدایت کے سب صحابہ ہیں
کرم سے ناؤ مرے مصطفیٰ کی عِترت ہے
Sitare rushd o hidayat ke sab sahaba hain
Karam se nao mere Mustafa ki itrat hai
بنی ہوئی جو ابھی تک یہ بات ہے میری
کرم حضور کا ہے آپ کی عنایت ہے
Bani hui jo abhi tak ye baat hai meri
Karam Huzoor ka hai aap ki inayat hai
اُنہیں کی یاد کو مرزا وظیفہ تم کرلو
جنہیں دعا میں شب و روز فکرِ اُمت ہے
Unhi ki yaad ko Mirza wazifa tum karlo
Jinhein dua mein shab o roz fikr-e-Ummat hai
Share This Naat
Share with friends and family
نبی کے نام کی سارے جہاں میں برکت ہے
مرزا جاوید بیگ عطاری