کائناتِ رنگ و بو کا کُل خزینہ اک طرف
ارض طیبہ پر سجا اخضر نگینہ اک طرف
Kainat-e-rang-o-boo ka kul khazeena ek taraf
Arz e Taybah par saja akhzar nageena ek taraf
گھوم کر دیکھا جہاں میں ہر نگر لیکن شہا
ساری دنیا اک طرف تیرا مدینہ اک طرف
Ghoom kar dekha jahan mein har nagar lekin sheha
Saari duniya ek taraf tera Madinah ek taraf
سارے پھولوں کی مہک ہو یا کہ ہو مشکِ ختن
سب کی خوشبو اک طرف تیرا پسینہ اک طرف
Saare phoolon ki mehak ho ya ke ho mushk-e-khitan
Sab ki khushboo ek taraf tera paseena ek taraf
ماہِ میلاد النبیؐ کی شان ہے سب سے الگ
ماہ سارے اک طرف وہ اک مہینہ اک طرف
Mah-e-Meelad-un-Nabi (ﷺ) ki shaan hai sab se alag
Mah saare ek taraf woh ek mahina ek taraf
زائروں کو لے کے جاتا ہے جو سوئے مصطفٰیؐ
بحری بیڑے اک طرف وہ اک سفینہ اک طرف
Zaairo ko le ke jata hai jo soye Mustafa (ﷺ)
Behri beray ek taraf woh ek safeena ek taraf
خوانِ نعمت سے ملا، نانِ شبینہ شُکر ہے
نعمتیں سب اک طرف نانِ شبینہ اک طرف
Khaawan-e-nemat se mila, naan-e-shabeena shukar hai
Nematain sab ek taraf naan-e-shabeena ek taraf
اُلفتِ سرکارؐ سے معمور ہے جو ہر گھڑی
لاکھوں سینے اک طرف وہ ایک سینہ اک طرف
Ulfat-e-Sarkar (ﷺ) se mamoor hai jo har ghari
Laakhon seenay ek taraf woh ek seena ek taraf
ارضِ طیبہ میں سکونت منفرد اعزاز ہے
سارے انساں اک طرف اہلِ مدینہ اک طرف
Arz-e-Taybah mein sukoonat munfarid azaaz hai
Saare insaan ek taraf Ahl-e-Madinah ek taraf
چومتے ہیں نام ان کا اہلِ سنّت اے جلیل
سب قرینے اک طرف ، ان کا قرینہ اک طرف
Choomte hain naam un ka Ahl-e-Sunnat aye Jaleel
Sab qareene ek taraf, un ka qareena ek taraf
Share This Naat
Share with friends and family
کائناتِ رنگ و بو کا کُل خزینہ اک طرف
حافظ عبدالجلیل