خواہشِ دید! کبھی حیطۂ ادراک میں آ
خواب کو خلد بنا ،دیدۂ نمناک میں آ
Khwaahish-e-deed! kabhi haitay-e-idraak mein aa
Khawab ko khald bana, deedah-e-namnaak mein aa
میرے سینے میں دھڑکتی ہے مدینے کی دعا
زیست باقی ترے قدمین میں جینے کی دعا
Mere seenay mein dhadakti hai Madine ki dua
Zeest baqi taray qadmien mein jeene ki dua
تیرے دربار میں لایا ہوں فقط حرفِ طلب
تیرے شایان نہیں گرچہ مرا ظرفِ طلب
Tere darbaar mein laaya hoon faqat harf-e-talab
Teray shaayaan nahiin garcha mera zarf-e-talab
باغِ کونین کے ہر پھول کی مہکار ہیں آپ
ربِ طرفین کی تخلیق کے شہکار ہیں آپ
Baagh-e-konaine ke har phool ki mehkhaar hain aap
Rab-e-tarfain ki takhleek ke shahkaar hain aap
ذکر درہم کا زباں پر ہے نہ دینار کی بات
ہے تو بس سنگِ درِ سیدِ ابرار کی بات
Zikr darham ka zabaan par hai na deenar ki baat
Hai to bas sang-e-dar-e-sayyed-e-abrar ki baat
حجرۂ دل میں ہوئی ان کے قدم کی آہٹ
ہر طرف ہونے لگی ابرِکرم کی آہٹ
Hujrah-e-dil mein hui un ke qadm ki aahat
Har taraf hone lagi abr-e-karam ki aahat
آپ ہیں بے کس و نادار کے تنہا وارث
بے نوا اور گنہگار کے تنہا وارث
Aap hain baykas o nadaar ke tanha waaris
Benawa aur gunahgaar ke tanha waaris
دے ہمیں اپنی محبت کا اطاعت کا سراج
تاکہ مل جائے ہمیں قبر میں راحت کا سراج
De humein apni mohabbat ka itaat ka siraaj
Taa ke mil jaye humein qabr mein raahat ka siraaj
اوجِ قرآن میں لکھی ہوئی ہر نعت بھی سچ
سیرتِ صاحبِ قوسین کی ہر بات بھی سچ
Auj-e-quran mein likhi hui har naat bhi such
Seerat-e-sahib-e-qausain ki her baat bhi such
تیری چوکھٹ کو ترستا ہے نمِ قوسِ قزح
گنبدِ سبز کی خاطر ہے خمِ قوسِ قزح
Teri chaukhat ko tarasta hai nam-e-qaus-e-qaza
Gunbad-e-sabz ki khaatir hai kham-e-qaus-e-qaza
ہے مدینے کی طرف میرے خیالات کا رخ
مدحِ سرور کی طرف ہے مرے نغمات کا رخ
Hai Madine ki taraf mere khayalat ka rukh
Madh-e-sarwar ki taraf hai mere naghmaat ka rukh
بے عدد ذاتِ محمد پہ سلام اور درود
وقتِ آخر بھی زباں پر ہو یہ نام اور درود
Be adad zaat-e-Mohammad pe salaam aur durood
Waqt-e-aakhir bhi zabaan par ho ye naam aur durood
جچ نہیں سکتا کسی طور بھی عامی پہ گھمنڈ
پھر بھی کرتا ہوں محمد کی غلامی پہ گھمنڈ
Jach nahiin sakta kisi taur bhi aami pe ghurmand
Phir bhi karta hoon Mohammad ki ghulami pe ghurmand
نعت لکھنے کے لئے کام جو آیا کاغذ
میں نے آنکھوں سے کبھی دل سے لگایا کاغذ
Naat likhne ke liye kaam jo aaya kaagaz
Maine aankhon se kabhi dil se lagaya kaagaz
جب بھی آتا ہے تصور میں حرا کا منظر
میری آنکھوں سے ٹپکتا ہے دعا کا منظر
Jab bhi aata hai tasawwur mein Hira ka manzar
Meri aankhon se tapakta hai dua ka manzar
اے دلِ تیرہ شباں مہبطِ انوار سے جڑ
رشکِ فردوس کے ہر کوچہ و بازار سے جڑ
Ae dil-e-teerah shabaan mahbat-e-anwaar se jud
Rashk-e-firdous ke har koocha o bazaar se jud
مرکزِ دل میں دھڑکتا ہے سدا گنبدِ سبز
بامِ نزہت پہ چمکتا ہے سدا گنبدِ سبز
Markaz-e-dil mein dhadakata hai sada gunbad-e-sabz
Baam-e-nazhat pe chamakta hai sada gunbad-e-sabz
حشر کے روز عطا سایۂ دیوار ہو بس
ہاں مری جائے پنہ آپ کا دربار ہو بس
Hashr ke roz ata saayah-e-deewaar ho bas
Haan meri jaaye panah aap ka darbaar ho bas
دل میں یوں بس گئی ہے گنبدِ اخضر کی کشش
اب نظر آتی نہیں ہے کسی منظر کی کشش
Dil mein youn bas gayi hai gunbad-e-aqhdar ki kashish
Ab nazar aati nahiin hai kisi manzar ki kashish
ہر نبی خاص ہے محبوبِ خداخاص الخاص
ساری مخلوق میں رتبہ ہے جدا خاص الخاص
Har nabi khaas hai mahboob-e-khuda khaas alkhaas
Saari makhlooq mein rutbah hai juda khaas alkhaas
رشکِ خورشید و جہاں تاب ہیں ان کے عارض
رنگ اور نور کے اسباب ہیں ان کے عارض
Rashk-e-khursheed o jahaan taab hain un ke aariz
Rang aur noor ke asbaab hain un ke aariz
حشر میں شافعِ محشر کا ملے سات فقط
یاد رہ جائے سنانے کو کوئی نعت فقط
Hashr mein shafi-e-mahshar ka mile saath faqat
Yaad reh jaye sunane ko koi naat faqat
ہیں مرے نامۂ اعمال میں توصیف کے لفظ
صاحبِ کوثر و تسنیم کی تعریف کے لفظ
Hain mere naamah-e-aamaal mein tausif ke lafz
Sahib-e-kausar o tasneem ki tareef ke lafz
میرے آقا مرے داتا مرے سرور ہیں رفیع
میرے مولا مرے صاحب مرے پرور ہیں رفیع
Mere aaqa mere daata mere sarwar hain rafii
Mere maula mere sahib mere parwar hain rafii
تیرگی چاہتی ہے نکہت و نزہت کے چراغ
یعنی سرکارِ دو عالم کی محبت کے چراغ
Tirgi chahti hai nikhhat o nazhat ke charaagh
Yani Sarkaar-e-do aalam ki mohabbat ke charaagh
دل جھکا رہتا ہے ہر وقت مدینے کی طرف
پھونک دو اسمِ محمد مرے سینے کی طرف
Dil jhuka rehta hai har waqt Madine ki taraf
Phonk do ism-e-Mohammad mere seenay ki taraf
عنبر و عود کی خوشبو سے معطر ہیں ورق
مدحتِ نورِ مجسم سے منور ہیں ورق
Anbar o oud ki khushboo se moattar hain warq
Madhat-e-noor-e-mujassam se manawar hain warq
دیکھ کر سرورِ کونین کے تلوے کی چمک
ہے خجل ماہِ جہاں تاب کے جلوے کی چمک
Dekh kar sarwar-e-konain ke talway ki chamak
Hai khajal maah-e-jahaan taab ke jalwey ki chamak
دیکھ لوں گنبدِ اخضر وہ مثالی خوش رنگ
چوم لوں روضۂ سرکار کی جالی خوش رنگ
Dekh loon gunbad-e-aqhdar woh misaali khush rang
Choom loon roza-e-sarkaar ki jaali khush rang
شافعِ حشر کی چوکھٹ پہ کھڑا ہے سائل
بخشش و جود و کرم مانگ رہا ہے سائل
Shafi-e-hashar ki chaukhat pe khada hai saail
Bakhshish o jood o karam mang raha hai saail
کیجئے مجھ پہ کرم سرور و سلطانِ حرم
پھر بنا لیجے مجھے زائر و مہمانِ حرم
Kijiye mujh pe karam sarwar o sultan-e-haram
Phir bana leejye mujhe zaair o mehmaan-e-haram
لائقِ شان نہیں حرفِ کہن شاہِ زمن
دے کوئی حرف نیا بہرِ سخن شاہِ زمن
Laiq-e-shaan nahiin harf-e-kahan Shah-e-zaman
De koi harf naya beher-e-sukhan Shah-e-zaman
یا نبی ایک جھلک مجھ کو دکھانے آؤ
میری سکرات کو آسان بنانے آؤ
Ya nabi aik jhalak mujh ko dikhane aao
Meri sakraat ko aasaan banane aao
خالقِ کل کا ہے شہکار نبی کا چہرہ
دونوں عالم میں نہیں دوسرا ایسا چہرہ
Khaaliq-e-kul ka hai shahkaar nabi ka chehra
Dono aalam mein nahiin dosra aisa chehra
ہو جو مقبول ترے در پہ سلامی میری
مستند ہوگی سرِ حشر غلامی میری
Ho jo maqbool tere dar pe salaami meri
Mustainad hogi sar-e-hashr ghulami meri
جب بھی اشفاق غمِ ہجر ستانے آئے
نعت کے حرف مجھے غم سے بچانے آئے
Jab bhi Ashfaq gham-e-hijr satane aaye
Naat ke harf mujhe gham se bachane aaye
Share This Naat
Share with friends and family
خواہشِ دید! کبھی حیطۂ ادراک میں آ
اشفاق احمد غوری