فہم و اِدراک سے ماورا، منفرِد
عظمتِ سرورِ انبیا منفرِد
Fahm o idraak se mawara, munfarid
Azmat-e-Sarwar-e-Anbia munfarid
روز و شب وردِ صلِ علیٰ کیجئے
اور پھر پائیے فائدہ منفرِد
Roz o shab Wird-e-Salli Ala kijiye
Aur phir paiye faida munfarid
ذرۂ کوئے طیبہ سے پاکر چمک
ہوگئی ہے قمر کی ضیا منفرِد
Zarra-e-Kooye Taiba se paakar chamak
Hogayi hai qamar ki zia munfarid
وہ تبسم، تکلم ہو یا خامشی
شاہِ کونین کی ہر ادا منفرِد
Woh tabassum, takallum ho ya khamushi
Shah-e-Kounain ki har ada munfarid
اسکے جیساکہیں کوئی شیریں نہیں
نامِ سرکار کا ذائقہ منفرِد
Uske jaisa kahin koi sheereen nahi
Naam-e-Sarkar ka zaiqa munfarid
کوئی ہمسرنہیں کوئی ثانی نہیں
انبیاء میں شہِ انبیا منفرِد
Koi hamsar nahi koi saani nahi
Anbia mein Shah-e-Anbia munfarid
منفردہے شفیقؔ آپ کی فکر بھی
اور اُسلوب بھی آپ کا منفرِد
Munfarid hai Shafeeq aap ki fikr bhi
Aur usloob bhi aap ka munfarid
Share This Naat
Share with friends and family
فہم و اِدراک سے ماورا، منفرِد
شفیق ؔ رائے پوری