دامانِ کرم کے جو سہارے نہیں ہوتے
اچھے کبھی حالات ہمارے نہیں ہوتے
Daaman-e-karam ke jo sahare nahi hote
Achhe kabhi haalat hamare nahi hote
دنیا کی ہے رونق یہ حضورؐ آپ کے دم سے
ورنہ یہ سمندر ، یہ کنارے نہیں ہوتے
Duniya ki hai ronaq ye Huzoorؐ aap ke dam se
Warna ye samandar, ye kinare nahi hote
کونین کے والی کا ہی صدقہ ہے یہ ورنہ
یوں ٹھاٹھ سے منگتوں کے گزارے نہیں ہوتے
Kounain ke wali ka hi sadqa hai ye warna
Yun thaath se mangton ke guzare nahi hote
ملتی نہ انہیں آپؐ کے چہرے کی تجلی
روشن یہ کبھی چاند ستارے نہیں ہوتے
Milti na inhe aapؐ ke chehre ki tajalli
Roshan ye kabhi chaand sitare nahi hote
عصیاں کے سمندر میں یونہی ڈولتے رہتے
سرکارؐ اگر آپ ہمارے نہیں ہوتے
Isyan ke samandar mein yunhi dolte rehte
Sarkarؐ agar aap hamare nahi hote
اعمال تو لے جاتے ہمیں جانبِ دوزخ
گر چشمِ کرم کے یہ اشارے نہیں ہوتے
Aamal to le jaate humein janib-e-dozakh
Gar chashm-e-karam ke ye ishare nahi hote
اس شخص کے ایمان کا دعویٰ بھی عبث ہے
سرکارؐ جسے جان سے پیارے نہیں ہوتے
Is shakhs ke imaan ka dawa bhi abath hai
Sarkarؐ jise jaan se pyare nahi hote
جنت میں سیادت کے بھلا کون تھا قابل
زہراؑ ! جو تری آنکھ کے تارے نہیں ہوتے
Jannat mein sayadat ke bhala kaun tha qabil
Zahraؑ! jo teri aankh ke tare nahi hote
پہنے جو جلیل ان کی غلامی کا قلادہ
دارین میں اس کو تو خسارے نہیں ہوتے
Pehne jo jaleel un ki ghulami ka qalada
Darein mein us ko to khasare nahi hote
Share This Naat
Share with friends and family
دامانِ کرم کے جو سہارے نہیں ہوتے
حافظ عبدالجلیل