ذکرِصلّ علیٰ ہے زباں پر ‘ کیسی خوشبو فضا میں رچی ہے
سارا ماحول نکھرا ہوا ہے اور ہوائوں میں بھی تازگی ہے
Zikr-e-Sall Ala hai zuban par ' kaisi khushboo fizaa mein rachi hai
Saara maahol nikhra hua hai aur hawaaon mein bhi taazgi hai
اتنا میٹھا ہے اسمِ محمدؐ اس کی شیرینی کیونکر بیاں ہو
ہونٹ لیتے ہیں آپس میں بوسے اس قدر نام میں چاشنی ہے
Itna meetha hai Ism-e-Muhammad (S.A.W.W) is ki sheereeni kyun kar bayaan ho
Honth lete hain aapas mein bose is qadr naam mein chaashni hai
تھا زمانے میں ظلمت کا ڈیرا ‘ آپؐ آئے تو پھوٹا سویرا
چہرئہ دلربا کے تصدّق سارے عالم میں یہ روشنی ہے
Tha zamanay mein zulmat ka dera ' Aap (S.A.W.W) aaye to phoota savera
Chehr-a-dilruba ke tassadduq saare aalam mein ye roshni hai
لب پہ نغمے ہوں نعتِ نبیؐ کے ‘ ہاتھ میں دامنِ مصطفٰےؐ ہو
کوئی پوچھے کوئی اور خواہش میں کہوں بس یہی آخری ہے
Lab pe naghme hon naat-e-nabi(S.A.W.W) ke ' haath mein daaman-e-Mustafa(S.A.W.W) ho
Koi poochhe koi aur khwahish mein kahoon bas yehi aakhri hai
میرے سرکار قدرت نے تجھ کو ہے سراجاًمُّنیرا بنایا
نور ہی نور ہے اُس فضامیں جس جگہ تیری جلوہ گری ہے
Mere Sarkar qudrat ne tujh ko hai Siraajan Munira banaya
Noor hi noor hai us fizaa mein jis jagah teri jalwa gari hai
اب تو مجھ کو مدینے بلا لو ‘ اپنے پیاسے کو جلوہ دکھادو
تیرے درشن سے ہی بجھ سکے گی میری آنکھوں میں جو تشنگی ہے
Ab to mujh ko Madine bula lo ' apne pyaase ko jalwa dikhado
Tere darshan se hi bujh sake gi meri aankhon mein jo tishnagi hai
یہ جلیل آکے در پر کھڑا ہے اور ہونٹوں پہ یہ التجا ہے
آپ اپنی غلامی میں لے لیں ‘ بس یہی حاصلِ زندگی ہے
Ye Jaleel aa ke dar par khada hai aur honton pe ye iltija hai
Aap apni ghulami mein le lein ' bas yehi haasil-e-zindagi hai
Share This Naat
Share with friends and family
ذکرِصلّ علیٰ ہے زباں پر
حافظ عبدالجلیل