قربان و نجاں صدقے تھیواں من مٹھرے سانول یار اتوں
شیرینیاں ساریاں گھول گھتاں میں مدنی دی گفتار اتوں
Qurban o nijaan sadqay thewaan man mithray sanwal yaar aton
Sheeriniyaan saariyaan ghol ghataan main madni di guftaar aton
دل دے پورے ارمان کراں اوتوں صدقے دین ایمان کراں
جند اپنی میں قربان کراں محبوب مٹھے من ٹھار اتوں
Dil de pooray armaaan karaan oton sadqay deen imaan karaan
Jand apni main qurban karaan mehboob mithay man thar aton
ساہ سکھ دا اک وی ناں اوندا میں غم دا ماریا مک جاندا
تری نظر جے ہٹ دی محبوبا میں پاپی اوگنہار اتوں
Saah sukh da ik wi naan onda main gham da maariya mak jaanda
Teri nazar je hatt di mehbooba main paapi ogunhaar aton
کم وگڑے سارے ول ہو گئے میرے سارے مسئلے حل ہو گئے
جد کیتے سوال نکیراں نے آ گئے مدنی سرکار اتوں
Kam waghray saaray wal ho gaye meray saaray maslay hal ho gaye
Jad kitay swaal nakeeran ne aa gaye madni sarkaar aton
رب کرم نوازی کردا اے ہر اک دا کاسہ بھر دا اے
سانوں صدقہ وار کے دیندا اے اپنے سوہنے دلدار اتوں
Rab karam nawazii karda ae har ik da kaasa bhar da ae
Sanoon sadqa waar ke deynda ae apne sohney dilaar aton
اوہدی ذات تے کرناں ایں تنقیداں جہدی ذات دا صدقہ کھانا ایں
اوہدا شکر نہیں کردا بے خبرا سگوں کرناں ایں تکرار اتوں
Ohdi zaat te karnan aen tanqeedan jehdi zaat da sadqa khaana aen
Ohda shukar nahi karda bekhbara sgon karnan aen takraar aton
جو جام نظر دے پیندا اے ناں لے لے ترا جیندا اے
میں جام صراحیاں وار دیاں ترے ساقی اس مے خوار اتوں
Jo jaam nazar de peenda ae naan le le tera jeenda ae
Main jaam sarahiyaan waar diyaan tere saqi is mai khwaar aton
چھڈ کھیڑا دنیا داراں دا بوہا مل لے تو سرکاراں دا
ہر چیز نیازی مل دی اے مرے آقا دے دربار اتوں
Chhad khera duniya daaran da boha mil le tu sarkaraan da
Har cheez Niazi mil di ae mere aaqa de darbaar aton
Share This Naat
Share with friends and family
قربان و نجاں صدقے تھیواں من مٹھرے سانول یار اتوں
عبدالستار نیازی