مرے قلم کی زباں کو اعلیٰ صداقتوں کا شعور دینا
جو حرف لکھوں ضرور پڑھنا جو لفظ مانگوں ضرور دینا
Mere qalam ki zubaan ko aala sadaqaton ka shaoor dena
Jo harf likhu zaroor parhna jo lafz maangun zaroor dena
نظر ملا کر جُدا نہ کرنا مری گزارش ہے صرف اتنی
رہے سلامت جو تاقیامت مجھے وہ لطف و سرور دینا
Nazar mila kar juda na karna meri guzarish hai sirf itni
Rahe salamat jo ta qayamat mujhe woh lutf o suroor dena
مری بصارت میں گھول رکھنا مٹھاس اپنی بصیرتوں کی
کبھی نہ ٹوٹے جو ضرب کھا کر وہ آگہی کا غرور دینا
Meri basarat mein ghol rakhna mithaas apni basiraton ki
Kabhi na toote jo zarb kha kar woh aagahi ka ghuroor dena
میں ہر طرف سے شکست کھا کر جو عمر بھر کی اَمان چاہوں
تو اپنے قدموں میں بیٹھ جانے کا اِذن مجھ کو حضورؐ دینا
Main har taraf se shikast kha kar jo umr bhar ki amaan chahun
To apne qadmon mein baith jane ka izn mujh ko Huzoor (SAW) dena
اٹھا کے ہاتھوں کو جب فضا میں سعید سوچوں کی سرحدوں پر
میں وجد و مستی کا نور مانگوں تو وجد و مستی کا نور دینا
Utha ke haathon ko jab faza mein Saeed sochon ki sarhadon par
Main wajd o masti ka noor maangun to wajd o masti ka noor dena
بجز شفاعت کچھ اور مانگوں تو چھین لینا زبان مجھ سے
یہ اک رعایت ضرور لوں گا یہ اِک رعایت ضرور دینا
Bajuz shafaat kuch aur maangun to cheen lena zabaan mujh se
Ye ik raayat zaroor loonga ye ik raayat zaroor dena
Share This Naat
Share with friends and family
مرے قلم کی زباں کو اعلیٰ صداقتوں کا شعور دینا
انجم نیازی