دور آنکھوں سے در نہ جائے کہیں
خلد منظر گزر نہ جائے کہیں
Door aankhon se dar na jaye kahin
Khuld manzar guzar na jaye kahin
بعد مدّت کے طیبہ آیا ہوں
پھر مقدّر بکھر نہ جائے کہیں
Baad muddat ke taiba aaya hoon
Phir muqaddar bikhar na jaye kahin
ان کے نعلین پر ہے آنکھ جمی
اور جانب نظر نہ جائے کہیں
Un ke nailain par hai aankh jami
Aur janib nazar na jaye kahin
چھپ کے بیٹھا ہوں خوفِ عصیاں سے
رو سیہ کی خبر نہ جائے کہیں
Chup ke baitha hoon khauf e isyaan se
Ro siyah ki khabar na jaye kahin
آدمی آئے ان کے روضے پر
’’اور پھر عمر بھر نہ جائے کہیں‘‘
Aadmi aaye un ke roza par
"aur phir umr bhar na jaye kahin"
پڑھ درود ان پہ ، ذکر کر ان کا
نشّۂ عشق اتر نہ جائے کہیں
Parh durood un pe, zikr kar un ka
Nashsha e ishq utar na jaye kahin
بات کرتے ہو کیوں پلٹنے کی
زائر طیبہ مر نہ جائے کہیں
Baat karte ho kyun palatne ki
Zair e taiba mar na jaye kahin
پیشِ روضہ جو روح تک اترا
کیفِ جنت اثر نہ جائے کہیں
Pesh e roza jo rooh tak utra
Kaif e jannat asar na jaye kahin
کشتیِ جاں پہ ہو نگاہِ کرم
غم سمندر بپھر نہ جائے کہیں
Kashti e jaan pe ho nigah e karam
Gham samundar biphar na jaye kahin
جاگ طاہرؔ! ہو ان کا نعت سرا
رات یوں ہی گزر نہ جائے کہیں
Jaag Tahir! Ho un ka naat sara
Raat yun hi guzar na jaye kahin
Share This Naat
Share with friends and family
دور آنکھوں سے در نہ جائے کہیں
پروفیسر محمد طاہر صدیقی