naat
مونہوں بولے تے بن دے سپارے پئے میرے آقا دی گفتار ویکھو ذرا
مونہوں بولے تے بن دے سپارے پئے میرے آقا دی گفتار ویکھو ذرا
دشمناں نے وی تعریف کیتی جدی کملی والے دا کردار ویکھو ذرا
Munhoon bolay te ban de supaare paaye mere aaqa di guftaar wekhho zara
Dushmanaan ne wi tareef keeti jadi Kamli walay da kirdaar wekhho zara
مست اکھیاں تو وارے ستارے پیا۔ چن انگلی دے من دا اشارے پیا
مسکرائے تے چانن کھلا رے پیا۔ اہدے مکھڑے دے انوار ویکھو ذرا
Mast akhiyaan to waare sitaare piya. Chan ungli de man da ishaare piya
Muskuraaye te chanan khula re piya. Ehde mukhray de anwaar wekhho zara
اوس دا تے نہ ہووے گا ثانی کوئی۔ عرشاں اُتے ہوئی میزبانی جدھی
تا قیامت کرے حکمرانی نبی۔ دو جہاناں دا سردار ویکھو ذرا
Os da te na hove ga saani koi. Arshaan utay hoi maizbaani jadhi
Ta qayaamat kare hukmraani Nabi. Do jahaanan da sardar wekhho zara
بے زباناں نوں کلمے پڑھائے جنہے۔ اچے سر نیویاں دے کرائے جنہے
گورے کالے برابر بٹھائے جنہے۔ شاہِ بطحا دا دربار ویکھو ذرا
Bay zubanaan noon kalmay parhaye jinhay. Uchay sar niwiyaan de karaye jinhay
Goray kaalay barabar bithaaye jinhay. Shah-e-Batha da darbaar wekhho zara
ایتھے سوچاں نوں وی سوچنا پے گیا۔ نہ کسے نوں رسائی دا ملیا سِرا
بہہ کے سدرہ تے جبریل آکھے پیا۔ میرے آقا دی رفتار ویکھو ذرا
Aythe sochaan noon wi sochna pay gaya. Nah kisay noon rasaai da meliya sira
Beh ke Sidra te Jabrail aakhay piya. Mere Aaqa di raftaar wekhho zara
ویخ لو پھر کے سب دنیا پوری کدی۔ دل دی حسرت نہ ہووے گی پوری کدی
چنگی قسمت جو ہووے ظہوریؔ کدی سبز گنبد دے مینار ویکھو ذرا
Wekh lo phir ke sab duniya poori kadi. Dil di hasrat nah hove gi poori kadi
Changi qismat jo hove Zahoori kadi sabz gunbad de minaar wekhho zara
Share This Naat
Share with friends and family
مونہوں بولے تے بن دے سپارے پئے میرے آقا دی گفتار ویکھو ذرا
محمد علی ظہوری