ہر ایک پھول نے مجھ کو جھلک دکھائی تری
ہوا جدھر سے بھی آئی ‘ شمیم لائی تری
Har aik phool ne mujh ko jhalak dikhai teri
Hawa jidhar se bhi aai, shameem lai teri
وہ شخص اپنے مقدر کا خود ہے صورت گر
کہ جس نے اپنے اِرادوں میں لَو لگائی تری
Wo shakhs apne muqaddar ka khud hai soorat gar
Ke jis ne apne iraadon mein law lagai teri
کبھی ہُوا نہ مرا سامنا اندھیروں سے
جِدھر بھی دیکھا ‘ اُدھر روشنی ہی پائی تری
Kabhi hua na mera saamna andheron se
Jidhar bhi dekha, udhar roshni hi pai teri
مرے نقوشِ قدم پر چراغ کیوں نہ جلیں
کہ رہنما ہے مری ‘ شانِ رہنمائی تری
Mere naqoosh-e qadam par charagh kyon na jalen
Ke rehnuma hai meri, shan-e rehnumai teri
درونِ سینہ ‘ مدینہ اُٹھائے پھرتا ہوں
کہ ایک پل بھی گوارا نہیں جدائی تری
Daroon-e seena, Madina uthaye phirta hoon
Ke aik pal bhi gawara nahi judai teri
مجھے تو اپنے کرم کی یہیں بشارت دے
کہ روزِ حشر نہ دیتا پھروں دُہائی تری
Mujhe to apne karam ki yahin basharat de
Ke roz-e hashr na deta phiroon duhai teri
گواہی دیتا ہے یہ ‘ اِرتقائے انسانی
کہ کام آئی جہاں بھر کو پیشوائی تری
Gawahi deta hai yeh, irtqae insani
Ke kaam aai jahan bhar ko peshwai teri
مجھے قسم ہے تری سیرتِ مُنز ّ ہ کی
کہ تاج و تخت پہ اِک طنز تھی چٹائی تری
Mujhe qasam hai teri seerat-e munazzah ki
Ke taj-o-takht pe ik tnaz thi chatai teri
یہ سوچ سوچ کے حیران ہیں فرشتے بھی
کہاں کہاں شبِ اَسریٰ ہوئی رَسائی تری
Yeh soch soch ke hairan hain farishte bhi
Kahan kahan shab-e asra hui rasaai teri
ندیمؔ کے سے کروڑوں کا ذکر کیا ہے ‘ کہ جب
بڑے بڑوں کو بھی تسلیم ہے بڑائی تری
Nadeem ke se karoron ka zikr kya hai, ke jab
Bade baron ko bhi tasleem hai baraai teri
Share This Naat
Share with friends and family
ہر ایک پھول نے مجھ کو جھلک دکھائی تری
احمد ندیم قاسمی