بھیج کر مکہ میں اِک نورِ ہدایت یا رب
بخش دی تو نے ہمیں صبحِ مسرت یا رب
Bheij kar makka mein ik noor-e-hidayat ya Rab
Bakhsh di tu ne hamen subh-e-musarrat ya Rab
ہے یہی ایک تمنا یہی حسرت یا رب
گنبدِ خضرا کی ہو جائے زیارت یا رب
Hai yahi ek tamanna yahi hasrat ya Rab
Gunbad-e-khazra ki ho jaye ziarat ya Rab
خود بخود شاہ کی مدحت بھی ہوئی جاتی ہے
جیسے کرتا ہوں میں قرآں کی تلاوت یا رب
Khud bakhud Shah ki mad'hat bhi hui jati hai
Jaise karta hoon mein Quraan ki tilawat ya Rab
میں بھی نعتِ شہِ کونین میں مصروف رہوں
ہو مِرے رزقِ سخن میں بھی وہ برکت یا رب
Mein bhi naat-e-shah-e-konain mein masroof rahoon
Ho mere rizk-e-sukhan mein bhi woh barakat ya Rab
پُر ہے عصیاں سے مِرا فردِ عمل، محشر میں
شافعِ حشر کی مل جائے شفاعت یا رب
Pur hai isyan se mera fard-e-amaal, mahshar mein
Shafi-e-hashr ki mil jaye shifaa'at ya Rab
بس یہ چاہت ہے کہ ایمان کی حالت میں مروں
اور اس کے سوا کچھ بھی نہیں چاہت یا رب
Bas yeh chahat hai ke imaan ki haalat mein maroon
Aur is ke siwa kuch bhi nahin chahat ya Rab
عمر بھر کرتا رہوں تیری رضا کی خاطر
تیرے محبوب کی اور تیری اطاعت یا رب
Umar bhar karta rahoon teri raza ki khaatir
Tere mehboob ki aur teri itaat ya Rab
ایک یہ بھی ہے تمنائے شفیقِؔ عاصی
شاہِ کونین کی کرتا رہے مدحت یا رب
Ek yeh bhi hai tamanna-e-Shafiq-e-Asi
Shah-e-konain ki karta rahay mad'hat ya Rab
آپ ہی کی ذات پر تکیہ ہے آقائی حضور
حشرمیں ہونے نہ دیں گے آپ رسوائی حضور
Aap hi ki zaat par takiya hai aaqai huzoor
Hashr mein hone na denge aap ruswai huzoor
گنبدِ خضرا جہاں سے صاف آتا تھا نظر
پھر تصور میں ہے مسجد کی وہ انگنائی حضور
Gunbad-e-khazra jahan se saaf aata tha nazar
Phir tasawwur mein hai masjid ki woh angnai huzoor
ایک مصرع ہی ثنا کا، کاش ہو جاتا قبول
مدتوں سے کر رہا ہوں خامہ فرسائی حضور
Ek misra hi sana ka, kaash ho jata qabool
Muddathon se kar raha hoon khama-farsai huzoor
آپ کی مدحت نگاری ہے مِرے پیشِ نظر
بخش دیں نا اہل کو تھوڑی سی دانائی حضور
Aap ki mad'hat nigari hai mere pesh-e-nazar
Bakhsh dein na-ahl ko thodi si danai huzoor
لہلہا اٹھے ادھر بھی کشت زارِ زندگی
اس طرف بھی بھیج دیں رحمت کی پروائی حضور
Lehlahaa uthhe idhar bhi kashat zaar-e-zindagi
Is taraf bhi bheij dein rehmat ki parwai huzoor
ہے شفیقِؔ بے عمل کا بھی ثنا خوانوں میں نام
بخش دی ہے نعت گوئی نے وہ اونچائی حضور
Hai Shafiq-e-bey amal ka bhi sana khwanon mein naam
Bakhsh di hai naat goi ne woh oonchai huzoor
Share This Naat
Share with friends and family
بھیج کر مکہ میں اِک نورِ ہدایت یا رب
شفیق ؔ رائے پوری