ہر آنکھ میں پیدا ہے چمک اور طرح کی
ہے گنبد خضراء کی جھلک اور طرح کی
Har aankh mein paida hai chamak aur tarah ki
Hai gumbad e khazra ki jhalak aur tarah ki
ہر آن خیالوں میں ہے اس شہر کی ٹھنڈک
چلتی ہے جہاں بادِ خنک ، اور طرح کی
Har aan khayalon mein hai is sheher ki thandak
Chalti hai jahan baad e khanak, aur tarah ki
جھونکا کوئی گزرا ہے مدینے کی ہوا کا
اطراف میں ہے آج مہک، اور طرح کی
Jhonka koi guzra hai madine ki hawa ka
Atraaf mein hai aaj mehak, aur tarah ki
جب لوٹ کے آتے ہیں مدینے کے مسافر
ہوتی ہے جبینوں پہ چمک، اور طرح کی
Jab laut ke aate hain madine ke musafir
Hoti hai jabeenon pe chamak, aur tarah ki
اشکوں کی جو برسات ہوئی یادِ نبیؐ میں
پھیلی افقِ جاں پہ دھنک، اور طرح کی
Ashkon ki jo barsaat hui yaad e Nabi (SAW) mein
Phaili ufaq e jaan pe dhanak, aur tarah ki
یہ سرورِ عالم کی غلامی کی عطا ہے
رہتی ہے جو لہجے میں کھنک، اور طرح کی
Ye sarwar e Aalam ki ghulami ki ata hai
Rehti hai jo lehje mein khanak, aur tarah ki
پلکوں پہ جو روشن ہے مدینے کے سفر میں
یہ شمع ہے اے بامِ فلک اور طرح کی
Palkon pe jo roshan hai madine ke safar mein
Ye shama hai ae baam e falak aur tarah ki
کرتا ہوں میں جب مدحِ محمدؐ کا ارادہ
ملتی ہے مدینے سے کمک اور طرح کی
Karta hoon mein jab madh e Muhammad (SAW) ka irada
Milti hai madine se kmak aur tarah ki
سرور نے سنا ہے یہی شاہانِ سخن سے
ہے نعت کے لکھنے میں جھجک اور طرح کی
Sarwar ne suna hai yahi shaahan e sukhan se
Hai naat ke likhne mein jhjhak aur tarah ki
Share This Naat
Share with friends and family
ہر آنکھ میں پیدا ہے چمک اور طرح کی
سرور حسین نقشبندی