حضور قلب ہے بے چین مجھ سے راضی ہوں !
حضور صدقۂ حسنین مجھ سے راضی ہوں !
Huzoor qalb hai baychain mujh se raazi hoon!
Huzoor sadiqa-e-Hasnain mujh se raazi hoon!
حضور دیکھیے ! میری وسیلہ جوئی کو
شفیع لایا ہوں شیخین مجھ سے راضی ہوں !
Huzoor dekhiye! meri waseela joi ko
Shafi layya hoon Shaikhain mujh se raazi hoon!
خدیجہ ، فاطمہ زہرا و عائشہ کے طفیل
حضور از پئے ختنین مجھ سے راضی ہوں
Khadija, Fatima Zahra o Ayesha ke tufail
Huzoor az paye khatinain mujh se raazi hoon
سنا ہے عذر ہے مقبول ، عَفو ہے معمول
کروں نظارۂِ خبرین مجھ سے راضی ہوں
Suna hai uzr hai maqbool, a'fo hai mamool
Karoon nazara-e-khabrain mujh se raazi hoon
حضور غرقِ ندامت ہوا ہے دلِ میرا
ہیں اشکبار مرے نین مجھ سے راضی ہوں
Huzoor ghrq-e-nedamat hua hai dil-e-mera
Hain ashkbar maray nain mujh se raazi hoon
حضور ! دیکھیں ! تصور میں اپنے سر پر میں
رکھے ہوں آپ کے نعلین مجھ سے راضی ہوں !
Huzoor! dekhein! tasawwur mein apne sar par mein
Rakhay hoon aap ke na'layn mujh se raazi hoon!
حضور ! کب سے ہے سویا ہوا نصیب مرا
ہیں کب سے جاگتی عینین مجھ سے راضی ہوں
Huzoor! kab se hai soya hua naseeb mera
Hain kab se jagti a'nin mujh se raazi hoon
بتاؤ اے مرے یارو ! میں کیا کروں ایسا
کہ میرے سیدِ کونین مجھ سے راضی ہوں
Bataao ay meray yaro! main kya karoon aisa
Ke meray Sayyed-e- Kainain mujh se raazi hoon
اے میرے شافع محشر ! خطا معاف کریں
اے میرے والیِٔ کونین مجھ سے راضی ہوں
Ay meray Shafi e Mahshar! Khata maaf karein
Ay meray Wali-e-Kainain mujh se raazi hoon
اے میرے شانِ غفوری کے مظہر اکمل
اے میرے ابنِ ذبیحین مجھ سے راضی ہوں
Ay meray shan-e-ghafoori ke mazhar akmal
Ay meray ibn-e-Zabiheen mujh se raazi hoon
حضور ! صرف طلبگارِ چشمِ رحمت ہوں
نہیں ہوں طالبِ شرقین مجھ سے راضی ہوں
Huzoor! sirf talabgar-e-chashm-e-rehmat hoon
Nahi hoon talib-e-shrqain mujh se raazi hoon
وبالِ جرم و وبائے عذاب کا ڈر ہے
بنوں نہ لقمۂِ واوَین مجھ سے راضی ہوں
Wabal-e-jurm o waba-e-azab ka darr hai
Banoon na luqma-e-wavayn mujh se raazi hoon
بہ پیشِ خالق و محبوب ہے معظمؔ عرض
کہ آپ دونوں کریمَین مجھ سے راضی ہوں
Ba paish-e-Khaliq o Mehboob hai Moazzam arz
Ke aap dono kareemain mujh se raazi hoon
Share This Naat
Share with friends and family
حضور قلب ہے بے چین مجھ سے راضی ہوں !
معظم سدا معظم مدنی