کیونکر نہ ہو مکے سے سوا شانِ مَدینہ
وہ جبکہ ہوا مسکنِ سلطانِ مَدینہ
Kiyun kar na ho makke se sawa shan-e-Madina
Woh jab ke huwa maskan-e-Sultan-e-Madina
مَکے کو شرف ہے تو مَدینے کے سبب سے
اس واسطے مکہ بھی ہے قربانِ مَدینہ
Makke ko sharaf hai tou Madine ke sabab se
Is wastay Makkah bhi hai qurban-e-Madina
ہوتا ہے فلک کا سرِ تسلیم یہاں خم
اللہ رے بلندی تری ایوانِ مَدینہ
Hota hai falak ka sar-e-tasleem yahan kham
Allah re bulandi teri ewan-e-Madina
آتے ہیں سرِ عجز جھکائے ہوئے لاکھوں
شاہانِ جہاں پیشِ گدایانِ مَدینہ
Aate hain sar-e-ajz jhukaye hue laakhon
Shahan-e-jahan pesh-e-gadayaan-e-Madina
بلبل کبھی بھولے سے نہ لے نام چمن کا
دیکھا ہی نہیں اس نے گلستانِ مَدینہ
Bulbul kabhi bhoolay se na le naam chaman ka
Dekha hi nahi us ne gulistan-e-Madina
لاکھوں نے لگائے ہیں ترے کوچہ میں بستر
تھوڑی سی جگہ ہم کو بھی اے جانِ مَدینہ
Laakhon ne lagaye hain tere koocha mein bistar
Thodi si jagah hum ko bhi aye jaan-e-Madina
پہنچا دے تو محبوب کے دَر پر مجھے یارب
لے جاؤں نہ دنیا سے میں اَرمانِ مَدینہ
Pohchan de to mehboob ke dar par mujhe yarab
Le jaoon na duniya se mein armaan-e-Madina
سمجھوں گا ہوئی عید مبارک مجھے جس دم
ہوجائے گا یہ سر مرا قربانِ مَدینہ
Samjhoon ga hui Eid mubarak mujhe jis dam
Ho jayega ye sar mera qurban-e-Madina
اِتراتی ہے کیوں بادِ صبا تو مرے آگے
دیکھیں گے کبھی ہم بھی گلستانِ مَدینہ
Itratati hai kyu baad-e-saba tu mere aage
Dekhenge kabhi hum bhi gulistan-e-Madina
سر دے کے غلامانِ نبی راہِ خدا میں
آرام سے سوئے تہِ دامانِ مَدینہ
Sar de ke ghulaman-e-Nabi raah-e-Khuda mein
Aaram se soye tah-e-damaan-e-Madina
شاہانِ جہاں کانپتے ہیں نام سے تیرے
اللہ یہ صولت تری سلطانِ مَدینہ
Shahan-e-jahan kaanpte hain naam se tere
Allah ye soulat teri Sultan-e-Madina
کیا وَصف کروں خوبیٔ اَخلاق کا اُن کے
بے مثل ہے دنیا میں ہر اِنسانِ مَدینہ
Kya wasf karoon khoobi-e-akhlaq ka un ke
Be misl hai duniya mein har insaan-e-Madina
سر سبز کسی کی بھی نہ ہو کشتِ تمنا
برسے نہ اگر خلق پہ نیسانِ مَدینہ
Sar sabz kisi ki bhi na ho kosht-e-tamana
Baarse na agar khalq pe naisan-e-Madina
مخلوقِ خداوند ہے سب زیرِ حکومت
ہے حاکمِ کونین سلیمانِ مَدینہ
Makhlooq-e-Khudawand hai sab zeere-hukoomat
Hai hakim-e-Konain Suleman-e-Madina
آرام سے ٹھہراتا ہے زَوَّارِ نبی کو
گویا کہ یہ چھوٹا سا ہے احسانِ مَدینہ
Aaram se thehrata hai zawwar-e-Nabi ko
Goya ke ye chhota sa hai ehsaaan-e-Madina
پیش آتے ہیں رحمت کے فرشتے بتواضع
اللہ کے مہمان ہیں مہمانِ مَدینہ
Pesh aate hain rehmat ke farishte betawazuh
Allah ke mehman hain mehman-e-Madina
ہوجائے جو سرکار کی رحمت کا اِشارہ
سگ اپنا بنائیں مجھے دَربانِ مَدینہ
Ho jaye jo Sarkar ki rehmat ka ishara
Sug apna banayen mujhe darban-e-Madina
مرنے پہ بھی چھوڑیں گے نہ محبوب کا کوچہ
عشاق کی جنت ہے بیابانِ مَدینہ
Marne pe bhi chhodenge na mehboob ka koocha
Ashaq ki jannat hai beabaan-e-Madina
گھبرائیں گے سب مہر قیامت کی تپش سے
بے خوف مگر ہوں گے گدایانِ مَدینہ
Ghabrayenge sab mehr qayamat ki tapish se
Be khauf magar honge gadayaan-e-Madina
سبطین کی جب حشر میں آئے گی سواری
غُل ہوگا کہ وہ آتے ہیں خوبانِ مَدینہ
Sibtain ki jab hashhar mein aaye gi sawari
Ghul hoga ke woh aate hain khooban-e-Madina
ہے عرضِ جمیلؔ رضوی کا یہ خلاصہ
لاشہ ہو مرا اور بیابانِ مَدینہ
Hai arz-e-Jamil Razvi ka ye khulasa
Lasha ho mera aur beabaan-e-Madina
عشاق یہ کہتے ہیں جمیلؔ رضوی کو
ہے نغمہ سرا بلبل بستانِ مَدینہ
Ashaaq ye kehte hain Jamil Razvi ko
Hai naghma sara bulbul bastan-e-Madina
Share This Naat
Share with friends and family
کیونکر نہ ہو مکے سے سوا شانِ مَدینہ
جمیل الرحمن قادری