جدوں ویکھ لیا مُکھ سوہنے دا اکھیاں نیں نماز ادا کیتی
جنہاں پھیر لیا منہ سجناں توں اونہاں پڑھی ہوئی آپ قضا کیتی
Jadon wekh liya mukh sohne da akkhiyaan ne namaz ada keeti
Jenhan pher liya munh sajnan ton onhan padhi hoi aap qaza keeti
دکھ درد سناؤندیاں رہنا ایں اساں یار مناؤندیاں رہنا ایں
تد تیکر آؤندیاں رہنا ایں جد تیکر عمر وفا کیتی
Dukh dard sunaondiyan rehna aen assan yaar manaondiyan rehna aen
Tad teekar aondiyan rehna aen jad teekar umar wafa keeti
اک در دا جہڑا سوال اے اوہدی رب کردا رکھوالی اے
ولیاں دی من دا والی اے جس طاقت آپ عطا کیتی
Ik dar da jehra sawal ae ohdi Rab karda rakhwali ae
Walian di man da wali ae jis taqat aap ata keeti
جدے ساقی بھرے پیالے نیں اوہدی سُن لئی کملی والے نیں
جس دے لئی مرشد کامل نے خوش ہو کے آپ دعا کیتی
Jade saqi bhare pyaale ne ohdi sun lai kamli wale ne
Jis de lai murshid kamil ne khush ho ke aap dua keeti
اکھیاں نے دِتّا سبق پڑھا جد ویکھیا چہرہ مرشد دا
جنہاں یار توں منگ کے درد لیا اونہاں فیر نہ کوئی دوا کیتی
Akkhiyaan ne ditta sabaq parha jad wekhia chehra murshid da
Jenhan yaar ton mang ke dard liya onhan phir na koi dawa keeti
جد در تے ظہوریؔ آ بیٹھے غم سارے یار بھلا بیٹھے
یاد آئی تے محفل لا بیٹھے رل مِل کے صِفت و ثنا کیتی
Jad dar te Zahoori a baithe gham saare yaar bhula baithe
Yaad aai te mehfil la baithe ral mil ke sift o sana keeti
Share This Naat
Share with friends and family
جدوں ویکھ لیا مُکھ سوہنے دا اکھیاں نیں نماز ادا کیتی
محمد علی ظہوری