ظہور کرتی ہے جس دم سَحر مدینے میں
اذانیں دیتے ہیں دیوار و دَر مدینے میں
Zahoor karti hai jis dam s'hr madine mein
Azaanen dete hain deewar o dar madine mein
گلی گلی میں وہ سیلابِ نُور ہے جیسے
اُتر کے آگئے شمس و قمر مدینے میں
Gali gali mein wo selaab-e-noor hai jaise
Utar ke aagaye shams o qamar madine mein
ہوا کے جھونکوں میں خوشبو بسی ہوئی ہے وہاں
درود پڑھتا ہے اک اک شجر مدینے میں
Hawa ke jhonkon mein khushboo basi hui hai wahan
Darood parhta hai ek ek shajar madine mein
نہا کے خوشبو میں کوثر سے باوضو ہو کر
ادب سے آتی ہے شام و سحر مدینے میں
Naha ke khushboo mein Kausar se ba-wazu ho kar
Adab se aati hai shaam o s'hr madine mein
حریمِ پاک کی تاصبح پاسبانی کو
فرشتے جاگتے ہیں رات بھر مدینے میں
Hareem-e-pak ki taa-subh pasbani ko
Farishtay jagte hain raat bhar madine mein
دیارِ پاک کا موسم بہشت کا موسم
ریاض خُلد ہے ہر رہ گزر مدینے میں
Diyar-e-pak ka mausam behisht ka mausam
Riyaaz khuld hai har rah guzar madine mein
ادب شناس ہے موسم بھی اُس دبستاں کا
کہ محوِ خواب ہیں خیر البشؐر مدینے میں
Adab shanaas hai mausam bhi us debastaan ka
Ke mehve khwaab hain khair ul bashr madine mein
اِسی امید پہ جاری ہے اب سفر اقبؔال
کہ ہو خدا کرے ختمِ سفر مدینے میں
Isi umeed pe jari hai ab safar Iqbal
Ke ho Khuda kare khatm-e-safar madine mein
(سفرِ آخرت پہ روانگی سے کچھ پہلے یہ نعت ہسپتال میں فی البدیہہ لکھوائی گئی )
(Safar-e-aakhirat pe rawangi se kuch pehle ye naat hospital mein fi al-badeeh likhwai gayi )
Share This Naat
Share with friends and family
آخری نعت
پروفیسراقبال عظیم