تِرے کرم کا خدائے مُجیب کیا کہنا
عطا کیا مجھے عشقِ حبیبؐ کیا کہنا
Tire karam ka Khudae Mujib kya kehna
Ata kya mujhe ishq-e-Habibؐ kya kehna
مریضِ غم ہیں بڑے خوش نصیب کیا کہنا
کہ ہے حبیبِ دو عالم طبیب کیا کہنا
Mareez-e-gham hain baday khush naseeb kya kehna
Ke hai Habib-e-do alam tabeeb kya kehna
خدا گواہ کہ آسودہ حیات ہیں ہم
غمِ حبیبؐ ہے ہم کو نصیب کیا کہنا
Khuda gawah ke Aasoodah hayaat hain hum
Gham-e-Habibؐ hai hum ko naseeb kya kehna
جِدھر بھی جاتا ہوں پاتا ہوں سامنے انکو
نظر نوازیِ حسنِ حبیب کیا کہنا
Jidhar bhi jata hun pata hun samnay unko
Nazar nawaziy-e-husn-e-Habib kya kehna
مریض ہجر سے کہتی ہے دل کی ہر دھڑکن
سکوں نواز ہے ذِکر حبیب کیا کہنا
Mareez hijr se kehti hai dil ki har dhadkan
Sukoon nawaz hai zikr-e-Habib kya kehna
قسم خدا کی شہنشاہِ ہفت کشور ہیں
گدائے دَر گہہِ کوئے حبیبؐ کیا کہنا
Qasam Khuda ki shehnshah-e-haft kiswaar hain
Gaday-e-dargah-e-kooye Habibؐ kya kehna
خدائی مانگنے والوں کو بخش دیتے ہیں
عطا نرالی ہے بخشش عجیب کیا کہنا
Khudai maangnay walon ko bakhsh detay hain
Ata nirali hai bakhshish ajeeb kya kehna
نظر میں سرور عالم کا آستانہ ہے
میں دوررہ کے ہوں اِتنا قریب کیا کہنا
Nazar mein Sarwar Alam ka astana hai
Mein door rah ke hun itna qareeb kya kehna
اس آستانہ اقدس کی خیر ہو خالؔد
جہاں پہ پلتے ہیں مجھ سے غریب کیا کہنا
Is aastana-e-aqdas ki khair ho Khalid
Jahan pe palte hain mujh se ghareeb kya kehna
Share This Naat
Share with friends and family
تِرے کرم کا خدائے مُجیب کیا کہنا
خالد محمود خالد