تذکارِ نبیؐ ہے مرے گفتار کی زینت
ہر نعت ہے پیرایۂ اظہار کی زینت
Tazkaar-e-Nabiؐ hai mere guftaar ki zeenat
Har naat hai perayaٔ e izhaar ki zeenat
پھولوں کی مہک اُن کے درودوں کی ہے ممنوں
مدحت سے بڑھی ہے گل و گلزار کی زینت
Phoolon ki mehak un ke duroodon ki hai mamnon
Midhat se barhi hai gul o gulzaar ki zeenat
اخلاق کا سرچشمہ ہے سرکارؐ کا اسوہ
سرکارؐ کے اسوہ سے ہے کردار کی زینت
Ikhlaq ka sarchashma hai sarkaarؐ ka uswa
Sarkaarؐ ke uswa se hai kirdaar ki zeenat
ہے لمسِ قدومِ شہِؐ کونین کے صدقے
قسمت میں ہے جو عرش کے ، انوار کی زینت
Hai lams-e qadoom-e Shah-eؐ konaen ke sadqe
Qismat mein hai jo arsh ke, anwaar ki zeenat
آنی مرے اشعار میں شوکت تھی کہاں سے
طیبہ نے بڑھائی مرے افکار کی زینت
Aani mere ashaar mein shaukat thi kahan se
Tayba ne barhayi mere afkaar ki zeenat
سجتے ہیں شہِؐ دیں کی محافل سے در و بام
مدحِ شہِؐ ابرار ہے گھر بار کی زینت
Sajte hain Shah-eؐ deen ki mehafil se dar o baam
Madh-e Shah-eؐ abrar hai ghar baar ki zeenat
دنیا کے تعیّش ، نہ سہولت کی ضرورت
کردار ہے عشّاق کا اقدار کی زینت
Duniya ke ta’ayyush, na saholat ki zaroorat
Kirdaar hai ashaaq ka aqdar ki zeenat
ہے راس فقیروں کو حضوری ترے در کی
یہ در تو ہے دستار کے ہر تار کی زینت
Hai ras faqeeron ko huzoori tere dar ki
Yeh dar to hai dastaar ke har taar ki zeenat
ہو سوزِ بلالیؓ پہ فدا جان سے طاہرؔ
جس کی ہے اذاں منبر و مینار کی زینت
Ho soz-e Bilaliؓ pe fida jaan se Tahirؔ
Jis ki hai azaan minbar o meenar ki zeenat
Share This Naat
Share with friends and family
تذکارِ نبیؐ ہے مرے گفتار کی زینت
پروفیسر محمد طاہر صدیقی