اہلِ ایماں کے لئے ہے آپ کی بعثت کا فیض
تا ابد حصے میں آیا آپ کی شفقت کا فیض
Ahl-e imaan ke liye hai aap ki basat ka faiz
Ta abad hisse mein aaya aap ki shafqat ka faiz
آپ کی ذاتِ گرامی ہے دمکتا آفتاب
کائناتِ رنگ و بُو میں ہے اُسی طلعت کا فیض
Aap ki zaat-e grami hai damakta aaftaab
Kainat-e rang o boo mein hai usi tal'at ka faiz
رحمتِ کونین کا صدقہ جہاں میں رحمتیں
سب دلوں میں رأفتیں ہیں آپ کی رحمت کا فیض
Rehmat-e konain ka sadqa jahan mein rehmaten
Sab dilon mein ra'fatain hain aap ki rehmat ka faiz
آپ کی اُلفت بنائی جس نے آقا ! حرزِ جاں
اُس کے حصے میں رہا اللہ کی طاعت کا فیض
Aap ki ulfat banai jis ne aaqa! Harz-e jaan
Us ke hisse mein raha Allah ki taa'at ka faiz
آگہی میں یہ اضافہ ہے مسلسل اس لئے
بٹ رہا ہے دو جہاں میں آپ کی سیرت کا فیض
Aagahi mein ye izafa hai musalsal is liye
Bat raha hai do jahan mein aap ki seerat ka faiz
آخری سانسیں ہوں جب ، لب پر رہے کلمہ مرے
ہو نظر کے سامنے سرکار کی صورت کا فیض
Aakhri sansain hon jab, lab par rahe kalma mare
Ho nazar ke samne sarkar ki surat ka faiz
مرحبا ! اے یارِ غار و اے مرادِ مصطفٰے
مل گیا تجھ کو لحد میں آپ کی صحبت کا فیض
Marhaba! Ae yaar-e gaar o ae muraad-e Mustafa
Mil gaya tujh ko lahd mein aap ki sohbat ka faiz
ناز ہے قسمت پہ اپنی اس لئے مجھ کو جلیل
مجھ نکمّے کو ملا سرکار کی مدحت کا فیض
Naaz hai qismat pe apni is liye mujh ko Jaleel
Mujh nikammy ko mila sarkar ki mad'hat ka faiz
Share This Naat
Share with friends and family
اہلِ ایماں کے لئے ہے آپ کی بعثت
حافظ عبدالجلیل