آنکھوں میں بس گیا ہے مدینہ حضور کا
بے کس کا آسرا ہے مدینہ حضور کا
Aankhon mein bas gaya hai Madina Huzoor ka
Bay-kas ka aasra hai Madina Huzoor ka
پھر جا رہے ہیں اہل محبت کے قافلے
پھر یاد آ رہا ہے مدینہ حضور کا
Phir ja rahe hain ahl-e-mohabbat ke qafile
Phir yaad aa raha hai Madina Huzoor ka
تسکین جاں ہے راحت دل وجہ انبساط
ہر درد کی دوا ہے مدینہ حضور کا
Taskeen-e-jaan hai rahat-e-dil wajah-e-inbisaat
Har dard ki dawa hai Madina Huzoor ka
نبیوں میں جیسے افضل و اعلی ہیں مصطفی
شہروں میں بادشاہ ہے مدینہ حضور کا
Nabiyon mein jaise afzal o aala hain Mustafa
Shehron mein badshah hai Madina Huzoor ka
ہے رنگ نور جس نے دیا دو جہان کو
وہ نور کا دیا ہے مدینہ حضور کا
Hai rang-e-noor jis ne diya do jahan ko
Woh noor ka diya hai Madina Huzoor ka
جب سے قدم پڑے ہیں رسالت مآب کے
جنت بنا ہوا ہے مدینہ حضور کا
Jab se qadam pare hain Risaalat Maab ke
Jannat bana hua hai Madina Huzoor ka
قدسی بھی چومتے ہیں ادب سے یہاں کی خاک
قسمت پہ جھومتا ہے مدینہ حضور کا
Qudsi bhi choomtay hain adab se yahan ki khaak
Qismat pe jhoomta hai Madina Huzoor ka
ہر ذرہ ذرہ اپنی جگہ ماہتاب ہے
کیا جگمگا رہا ہے مدینہ حضور کا
Har zarra zarra apni jagah mahtaab hai
Kya jagmaga raha hai Madina Huzoor ka
ہو ناز کیوں نہ اس کو نیازی نصیب پر
جس کو بھی مل گیا ہے مدینہ حضور کا
Ho naaz kyon na is ko Niazi naseeb par
Jis ko bhi mil gaya hai Madina Huzoor ka
Share This Naat
Share with friends and family
آنکھوں میں بس گیا ہے مدینہ حضور کا
عبدالستار نیازی