عنایت کا سمندر سامنے ہے بے نواؤں کے
معطّر ہوتے جاتے ہیں بدن بھیگی دُعاؤں کے
Inayat ka samandar samnay hai be nawawon ke
Muattar hotay jatay hain badan bheegi duawon ke
درِ محبوبؐ کو چھُو کر نشے میں آگئی ہوں گی
بکھرتے جا رہے ہیں بال بے قابو ہواؤں کے
Dar-e-Mahboobﷺ ko choo kar nashay mein aagayi hon gi
Bikhartay ja rahay hain baal bay qabo hawawon ke
سلامی دینے آتے ہیں اُسے اُڑتے ہوئے بادل
لگے ہیں کان اُس گھر کی طرف اُڑتی رِداؤں کے
Salami deny atay hain usay urhtay huey badal
Lagay hain kan us ghar ki taraf urhti ridaon ke
مدینے سے گزرتا ہے جھکا کر سر ہر اک منظر
قدم آہستہ ہو جاتے ہیں سورج کی شعاعوں کے
Madine se guzarta hai jhuka kar sar har ik manzar
Qadam ahista ho jatay hain sooraj ki shuaon ke
ابوذر بن کے اٹھتا ہے کوئی بن کر بلال انجمؔ
عجب ہیں ذائقے اُس دیس کے پیڑوں کی چھاؤں کے
Abuzar ban ke uthta hai koi ban kar Bilal Anjum
Ajab hain zayqay us dais ke pedon ki chhaon ke
Share This Naat
Share with friends and family
عنایت کا سمندر سامنے ہے بے نواؤں کے
انجم نیازی