میں رات خُوشیاں دی سوہنی سہانی روک لواں
سُنے ناں یار تے غم دی کہانی روک لواں
Main raat khushiyan di soHni sahani rok lawaan
Sune naan yaar te gham di kahani rok lawaan
رُکے جے خواب چہ آ کے حبیب دو گھڑیاں
میں جان دے کے وی دل دا اوہ جانی روک لواں
Ruke je khwaab chah aa ke Habeeb do ghaRiyaan
Main jaan de ke wi dil da oh jani rok lawaan
ایہ تحفہ یار دی دتا اے یاد نے مینوں
بھلا میں ہنجواں دی کیویں روانی روک لواں
Eh tuhfa yaar di ditta ae yaad ne mainu
Bhala main hanjwaan di kiwen rawani rok lawaan
جے غم ہے آؤندا دُوجا تے اک چلا جاندا
کیویں میں یار دی ہر اک نشانی روک لواں
Je gham hai aaonda duja te ek chala jaanda
Kiwain main yaar di har ek nishani rok lawaan
ہے ایہو دل دی تمنا کہ میں وی دو گھڑیاں
نگاه ناز دی جلوه فشانی روک لواں
Hai eho dil di tamanna ke main wi do ghaRiyaan
Nigah naaz di jelwa-fashaani rok lawaan
بڑھاپا آیا اے صائم تے آوے سو واری
دعا ہے ایہو کہ غم دی جوانی روک لواں
Burhapa aaya ae Saaim te aave sou wari
Dua hai eho ke gham di jawani rok lawaan
Share This Naat
Share with friends and family
میں رات خُوشیاں دی سوہنی سہانی روک لواں
علامہ صائم چشتی