صدقہ تیری چوکھٹ کا شہا مانگ رہے ہیں
تجھ سے تیرے مولا کا دیا مانگ رہے ہیں
Sadaqa teri chaukhat ka shaha maang rahe hain
tujh se tere maula ka diya maang rahe hain
زخم دل محزوں کی دوا مانگ رہے ہیں
ہم لوگ مدینے کی دُعا مانگ رہے ہیں
Zakhm dil mehzoon ki dawa maang rahe hain
ham log Madine ki dua maang rahe hain
بٹتا ہے جہاں پر بھی تیرے نام کا صدقہ
کشکول لئے شاہ و گدا مانگ رہے ہیں
Batta hai jahan par bhi tere naam ka sadaqa
kashkol liye shah o gada maang rahe hain
اپنوں پہ بھی ہیں رحمت عالم کی عطائیں
غیروں کا بھی سرکار بھلا مانگ رہے ہیں
Apno pe bhi hain rehmat aalam ki ataayein
ghairon ka bhi sarkar bhala maang rahe hain
قسمت کے دھنی ہیں جو طلب گار ہیں تیرے
جو طالب جنت ہیں وہ کیا مانگ رہے ہیں
Qismat ke dhani hain jo talabgaar hain tere
jo taalib jannat hain wo kya maang rahe hain
آقا تیرے مہکے ہوئے گلشن کا بھلا ہو
ہم گلشن طیبہ کی ہوا مانگ رہے ہیں
Aaqa tere mehkay hue gulshan ka bhala ho
hum gulshan tayyiba ki hawa maang rahe hain
سرکار کی مرضی ہے بلائیں نہ بلائیں
کیوں لوگ محبت کا صلہ مانگ رہے ہیں
Sarkar ki marzi hai bulaayein na bulaayein
kyon log mohabbat ka sila maang rahe hain
اک چشم کرم ہم پہ بھی حسنین کا صدقہ
بیمار محبت میں شفا مانگ رہے ہیں
Ek chashm karam hum pe bhi Hasnain ka sadaqa
beemaar mohabbat mein shafa maang rahe hain
پھیلائے ہوئے دامن اُمید نیازی
کونین کے والی کی عطا مانگ رہے ہیں
Phelaaye hue daman umeed Niazi
kounain ke waali ki ata maang rahe hain
Share This Naat
Share with friends and family
صدقہ تیری چوکھٹ کا شہا مانگ رہے ہیں
عبدالستار نیازی